हरियाणातील जन्म, गुजरातपूर्वी 'या' राज्याचे राज्यपाल; कोण आहेत महाराष्ट्राचे प्रभारी राज्यपाल आचार्य देवव्रत?

New Governor Acharya Devvrat : महाराष्ट्राचे नवे राज्यपाल 'आचार्य देवव्रत' यांचा शपथविधी सोहळा राजभवनात नुकताच पार पडला आहे. राज्यपालपदाची शपथ महाराष्ट्र उच्च न्यायालयाचे मुख्य न्यायाधीश न्यायमूर्ती आलोक आराधे यांच्या हस्ते देण्यात आली. या शपथविधी सोहळ्याला राज्यातील मान्यवर, मुख्यमंत्री आणि मंत्रिमंडळातील सदस्य उपस्थित होते. दरम्यान, काही दिवसांआधी राज्यपाल सीपी राधाकृष्णन हे भारताचे उपराष्ट्रपती झाले आहेत, त्यानंतर त्यांनी राज्यपाल पदाचा राजीनामा दिला होता. त्यांच्यानंतर राज्याचे पुढचे राज्यपाल कोण होणार? याकडे सर्वांचं लक्ष होतं. यानंतर गुजरातचे राज्यपाल म्हणून कार्यरत असलेले आचार्य देवव्रत यांचं नाव समोर आलं आणि त्यांच्याकडे महाराष्ट्र राज्याच्या राज्यपालपदाची अतिरिक्त जबाबदारी सोपवण्यात येणार असल्याचं स्पष्ट झालं. दरम्यान, कोण आहेत महाराष्ट्राचे नवे राज्यपाल आचार्य देवव्रत याबद्दल जाणून घेऊयात. आचार्य देवव्रत यांचा जन्म हरियाणा राज्यातील पानिपत जिल्ह्यातील समलखा इथला आहे. ते राजकारणी, शिक्षणतज्ञही राहिले आहेत. त्यांनी कुरुक्षेत्र मधील गुरुकुलाचे प्राचार्य म्हणून काम केले आहे. २०१९ पासून ते गुजरातचे राज्यपाल म्हणून कार्यरत आहेत. यापूर्वी २०१५ ते २०१९ हिमाचल प्रदेशचेही राज्यपाल राहिले आहे. तिथे त्यांनी ४ वर्षे कारभार पाहिला. (सर्व फोटो सोशल मीडिया) हेही पाहा- आशिया चषकामध्ये सर्वाधिक सामने जिंकण्याबाबत भारतच किंग! पाकिस्तान कितव्या स्थानी? पाहा टॉप ५ मध्ये कोणते देश?