Ramleela program in delhi after corona at Copernicus Marg

रामलीला कार्यक्रमाला दिल्लीतील कोपरनिकस मार्गावरील केंद्रा लॉन्समध्ये २६ सप्टेंबरपासून सुरुवात झाली आहे. २२ ऑक्टोबरपर्यंत रसिकांना या कार्यक्रमाचा आनंद लुटता येणार आहे. श्रीराम भारतीय कला केंद्राकडून हा कार्यक्रम आयोजित करण्यात आला आहे. या केंद्राने आत्तापर्यंत ६६ वेळा रामलीला कार्यक्रमाचे सादरीकरण केले आहे. 'श्रीराम' या नाटकात पारंपारिक नृत्यांचा समावेश करण्यात आला आहे. 'छऊ' आणि 'कलारीपयात्तू' या नृत्य प्रकारांचे सादरीकरण कलाकारांकडून केले जात आहे. नवरात्री आणि दूर्गापुजेच्या पार्श्वभूमीवर कलाकारांमध्ये उत्साह संचारला आहे. करोना साथीमुळे गेली दोन वर्ष या कलेचे सादरीकरण होऊ शकलं नाही. करोना साथीनंतर अनेक दिग्गजांनी रंगमंचाचा निरोप घेत नव्या प्रतिभेला कला सादर करण्यास वाव दिला, असे कला केंद्राच्या संचालक शोभा सिंग यांनी सांगितले आहे. अत्यंत कमी वेळात उत्तम कलेचे सादरीकरण या रंगकर्मींकडून करण्यात येत आहे. या कार्यक्रमाला प्रेक्षकांचा उत्तम प्रतिसाद लाभत आहे. यावर्षी श्रीराम भारतीय कला केंद्राच्या ४० रंगकर्मींकडून कलेचे सादरीकरण केले जात आहे. कलाकारांचे पोषाख, दागिने आणि शस्त्र प्रेक्षकांचे लक्ष वेधून घेत आहेत. हे सर्व कलाकारांनी स्वत: तयार केले आहे. दिल्लीतल कोपरनिकस मार्गावरील केंद्रा लॉन्समध्ये संध्याकाळी साडेसहा ते रात्री नऊपर्यंत या कार्यक्रमाचा आनंद रसिकांना लुटता येणार आहे. (फोटो सौजन्य- प्रवीण खन्ना, एक्स्प्रेस)