RJ Mahvash: "महिन्याच्या पगारात ऑफिसचे लोक जितकी अपमानास्पद वागणूक द्यायचे, तितक्या पैशात...", चहलमुळे चर्चेत आलेल्या महवशची पोस्ट व्हायरल

क्रिकेटपटू युझवेंद्र चहलबरोबरच्या वाढलेल्या जवळीकतेमुळे आरजे महवश सध्या देशभरात चर्चेत आहे. दरम्यान आरजे महवशने नुकतीच केलेली एक इन्स्टाग्राम पोस्ट खूप व्हायरल होत आहे. या पोस्टमध्ये महवशने ब्रँड प्रमोशनसाठी मोठी रक्कम आकारते असल्याचे सांगितले आहे. याचबरोप तिने कॉर्पोरेट क्षेत्रातील अनुभवही सांगितला आहे. इन्स्टाग्राम पोस्टमध्ये महवश म्हणाली की, "महिन्याचा पगार दिल्यानंतर, ऑफिसचे लोक जितकी अपमानास्पद वागणूक द्यायचे, तितक्या पैशात मी आता एक स्टोरीही पोस्ट करत नाही." "ऑफिसच्या वॉशरूममध्ये गाळलेल्या प्रत्येक अश्रूची किंमत तुम्हाला कधी ना कधी नक्की मिळेल", असे महवशने पोस्टमध्ये पुढे म्हटले आहे. दुबईमध्ये झालेल्या चॅम्पियन्स ट्रॉफी २०२५ च्या अंतिम सामन्यात भारतीय क्रिकेटपटू युझवेंद्र चहलसोबत आरजे महवश दिसल्यानंतर ती चर्चेत आली होती. दरम्यान धनश्री वर्मापासून युझवेंद्र चहल वेगळा झाल्यापासून, तो आता महवशबरोबर रिलेशनशिपमध्ये असल्याच्या चर्चा सोशल मीडियावर सुरू झाल्या आहेत. महवशने नुकतेच एका पॉडकास्टमध्ये नातेसंबंधांबद्दलचे तिचे विचार सांगितले आहेत. तिने स्पष्ट केले की ती अविवाहित आहे आणि लग्नाकडे पाहण्याचा आधुनिक दृष्टिकोन तिला गोंधळात टाकणारा आहे. महवशच्या मते, ती कॅज्युअल डेटिंगवर विश्वास ठेवत नाही. तिच्यासाठी, डेटिंग फक्त तेव्हाच अर्थपूर्ण ठरेल जेव्हा ती आयुष्यभर त्या व्यक्तीसोबत राहू शकेल. (सर्व फोटो सौजन्य: आरजे महवश/इन्स्टाग्राम)

संबंधित बातम्या

फोटो गॅलरी

ट्रेंडिंग टॉपिक्स