Azam Khan: "क्रिकेटमुळे वजन कमी करण्यासाठी वेळच मिळाला नाही," आजम खानचा भन्नाट दावा

पाकिस्तानचा यष्टीरक्षक फलंदाज आजम खान आपल्या भरभक्कम शरीरामुळे नेहमीच चर्चेत असतो. दरम्यान त्याला फिटनेसबाबत प्रश्न विचारण्यात आला होता. त्याने जे उत्तर दिलं ते ऐकून तुम्हालाही हसू आवरणार नाही. (फोटो- इंडियन एक्सप्रेस) भरभक्कम शरीरयष्टी असूनही त्याला पाकिस्तानसाठी काही सामने खेळण्याची संधी मिळाली. यासह जगभरातील काही लीग सामन्यांमध्येही त्याला खेळण्याची संधी मिळाली आहे. (फोटो- इंडियन एक्सप्रेस) त्याच्या फिटनेसवर पाकिस्तानच्या अनेक खेळाडू्ंनी प्रश्न उपस्थित केले आहेत. अशी फिटनेस असताना संघात स्थान का? असंही अनेकदा म्हटलं गेलं आहे. (फोटो- इंडियन एक्सप्रेस) दरम्यान आता आजम खानने आपल्या फिटनेसबाबत मोठं वक्तव्य केलं आहे, वजन कमी न करण्याचं त्याने असं काही कारण दिलं आहे. जे खरं वाटणं तर दूर, पण कोणालाच पटणार नाही. (फोटो- जनसत्ता) "एक- दोन आठवड्यात वजन कमी होत नाही. त्यासाठी पुरेसा वेळ लागतो. पण गेल्या ४-५ वर्षांपासून मी सतत क्रिकेट खेळत आहे. त्यामुळे वजन कमी झालेलं नाही", असं आजम खानने एका मुलाखतीत सांगितलं. (फोटो- जनसत्ता) क्रिकेटमधील व्यस्त वेळापत्रकामुळे त्याला फिटनेसवर लक्ष केंद्रित करण्याची संधी मिळालेली नाही, असंही त्याने सांगितलं. (फोटो- इंडियन एक्सप्रेस)