-
शासनाकडून परराज्यात जाण्यासाठी परवानगी मिळाली असली तरी प्रत्यक्षात कृती होत नसल्याने मजुरांचा धीर सुटत चालला आहे. दररोजची आपल्या कुटुंबासह हे मजूर महामार्गावरुन पायी आपल्या गावी निघाले आहेत. (सर्व छायाचित्र – सचिन हळदे)
-
पोलिसांनी अडविल्यानंतर अनेक कुटुंबे रस्त्याच्या कडेला झोपत होते.
-
या स्थलांतरितांमध्ये तरुणांची संख्या मोठी आहे. शेकडो किमी पायी चालल्यानंतर त्यांना रात्री झोपेसाठी महामार्गावरील डिव्हाडरचा धोकादायक आसरा घ्यावा लागत आहे.
-
यामध्ये काही विद्यार्थ्यांचाही समावेश आहे. हे विद्यार्थी अशा प्रकारे जीव मुठीत घेऊन महामार्ग ओलांडत आहेत.
-
एका मोठ्या इमारतीसमोरील मोकळ्या जागेत तरुणांनी काही काळ विसावा घेतला.
-
महामार्गाच्या कडेला धोकादायक पद्धतीने काही जणांनी झोपेसाठी जागा निवडल्या.
-
आपल्याजवळील जड बॅगा खांद्यावर घेऊन, हातात पाण्याच्या बाटल्या आणि तोंडावर मास्क अशा पद्धतीने हे तरुण आपल्या घराकडे मार्गस्थ झाले आहेत.
-
कुटंबच्या कुटुंबच आपल्या छोट्या मुलांसोबत मिळेल त्या वाहनांनी प्रवास करीत आहेत.
-
एरव्ही काहीतरी सामानांनी भरलेला हा मिनीट्रक यंदा माणसांनी भरला आहे. पेट्रोल पंपावर इंधन भरण्यासाठी थांबलेला असताना टिपलेले छायाचित्र.
-
रात्रीच्यावेळी तरुणांचे जत्थेच्या जत्थे महामार्ग ओलांडताना दिसत आहेत.
-
हातात आणि डोईवर ओझं घेऊन हे स्थलांतरित नागरिक पायी मार्गस्थ झाले आहेत.
-
रात्रीचा दिवस करुन घराकडं निघालेली तरुण मंडळी.
-
मुंबई-अहमदाबाद महामार्गावरील एका थांब्यावर रात्रीच्यावेळी या स्थलांतरित नागरिकांची मोठी गर्दी दिसून येत आहे. गावी जाण्यासाठी कुठलं वाहन मिळतय का? याची वाट ते पाहत आहेत.
-
स्थलांतरितांमध्ये तरुण मुलांबरोबरच मुलींचाही सहभाग पहायला मिळतो आहे. मोठं ओझं पोटाशी घेऊन घराकडं निघालेली एक तरुणी.
-
लॉकडाउननं लोकांच्या पायाची चाकं आणि रात्रीचा दिवस करुन टाकला आहे. शेवटी आपल्या घरीच तो खरा विसावा याची ओढ त्यांना लागून राहिली आहे.
-
"मुंबईत राहणं आता शक्य नाही, काम नाही, पैसा नाही मग जगणार तरी कसं?" असा सवाल ते करत आहेत.
-
"आम्ही तसेही उपाशी पोटी मारणार आहोत, त्यापेक्षा इथेच आम्हाला गोळ्या घाला" असं काही मजुरांनी हताशपणे पोलिसांना सांगितलं.
-
रविवारी रात्री देखील मुंबई अहमदाबाद महामार्गावरून शेकडो कुटुंब पायी जात होते.
“…तर उद्याच भारताची २५ टक्के टॅरिफमधून सुटका”, डोनाल्ड ट्रम्प यांच्या सल्लागाराचं मोठं विधान; घातली ‘ही’ अट!
