-
करोनाबाधित, संशयित रुग्णांचे तातडीने निदान व्हावे या दृष्टीने उपयुक्त ठरणारी रॅपिड अँटिजेन किट पुणे महापालिकेला प्राप्त झाले आहेत. (सर्व छायाचित्र – अरुल होरायझन)
-
त्यानुसार बुधवारपासून टप्प्याटप्प्याने या किटद्वारे नागरिकांची तपासणी करण्यात येणार आहे. पुण्यातील नायडू रुग्णालयात हे नवीन किट दाखल झाले आहेत.
-
यामुळे पाऊण तासात रुग्णाचा अहवाल प्राप्त होईल असं डॉक्टरांनी सांगितलं.
-
सध्या महापालिके ने एक लाख किटची खरेदी केली असून त्याद्वारे एक लाख नागरिकांची तपासणी होणार आहे.
-
पुणे शहरातील करोनाबाधित आणि संशयित रुग्णांची संख्या वाढत आहे. बाधितांची संख्या गेल्या काही दिवसांपासून नियमितपणे पाचशेच्या पुढे गेली आहे.
-
करोना संसर्ग रोखण्यासाठी महापालिके कडून विविध स्तरावर प्रतिबंधात्मक उपाययोजना करण्यात येत आहेत. त्या दृष्टीने चाचण्यांची संख्या वाढविण्यासाठी रॅपिड अँटिजेन किटची खरेदी करण्यास स्थायी समितीने मान्यता दिली होती.
-
अँटिजेन चाचणीमुळे करोनाबाबतचे शहरातील चित्र बदलण्याची शक्यता आहे.
-
करोना स्वॅब चाचण्यांसाठी मोठय़ा प्रमाणावर राष्ट्रीय विषाणू विज्ञान संस्था, ससून रुग्णालय प्रयोगशाळा आणि खासगी प्रयोगशाळा यांच्यावर अवलंबून राहावे लागत होते. अँटिजेन चाचण्या सुरू केल्याने हे अवलंबित्व कमी होईल.
-
एवढेच नव्हे तर स्वॅब चाचणीसाठी नमुने दिल्यानंतर त्याचा अहवाल प्राप्त होईपर्यंत किमान एक दिवसाचा वेळ जातो. करोना बाबत भीतीमुळे हा वेळ नागरिकांना तणावामध्ये घालवावा लागतो. अँटिजेन चाचणीसाठी नमुने दिल्यानंतर अल्पावधीतच त्याचा अहवाल प्राप्त होणार आहे.
-
किट वापरासंदर्भात आरोग्य विभागातील कर्मचाऱ्यांना प्रशिक्षण दिले जाणार असून गुरुवार-शुक्रवारपासून पूर्ण क्षमतेने वापर करण्याचे नियोजन करण्यात आले आहे.
गायक राहुल देशपांडेंचा घटस्फोट, १७ वर्षांच्या संसारानंतर पत्नीपासून विभक्त
