Photos: हाय गर्मी! गॉगल, स्कार्फ आणि असह्य उकडा... तापमानाच्या चढलेल्या पर्यामुळे नागरिक बेहाल

उत्तरेतून येणाऱ्या कोरड्या आणि उष्ण वाऱ्यामुळे तापमानात मोठी वाढ पाहायला मिळाली आहे. सध्या पुन्हा एकदा जम्मूपासून विदर्भापर्यंत उष्णतेची लाट आली असून, दक्षिण आणि पूर्वोत्तर प्रांतातील काही भाग वगळता जवळपास ७५ टक्के भारताला उष्णतेचा तडाखा बसला आहे. गुरुवारी सलग चौथ्या दिवशी ठाणे जिल्ह्याचे सरासरी तापमान ४२ अंश सेल्सिअस इतके होते. बुधवारपेक्षा गुरुवारी तापमानात किंचित घट असली तरी दुपारचा उकाडा नागरिकांना असह्य होत आहे. गेल्या काही दिवसांपासून ठाणे जिल्ह्यात उष्णतेने उच्चांक गाठला आहे. रोजच टप्प्याप्प्प्याने वाढत असलेल्या तापमानाबाबत चिंता व्यक्त केली जात आहे. उत्तर आणि उत्तर-पश्चिम भागातील राज्यांसह मध्य भारतात सध्या उष्णतेची लाट आहे. उत्तर भारतातील कमाल तापमानात पुढील दोन ते चार दिवसांत २ ते ४ अंशांनी वाढ होणार आहे. परिणामी महाराष्ट्रातील तापमानवाढ कायम राहण्याची शक्यता आहे. (फोटो - नरेंद्र वास्कर, इंडियन एक्सप्रेस)