Photos: चर्चेतला वाघ – ताडोबातील भानूसखिंडी (टी-१७) वाघीण

भानूसखिंडी फिमेल(टी-१७)चा बाज जरा वेगळाच. हिवाळ्यातील पहाटेच्या गारव्यात सफारी वाहनातून तिचे दर्शन घेणे म्हणजे पर्यटकांसाठी अप्रतिम आनंदाचा क्षण. तिचे ठिकाण माहिती असल्याने पर्यटक मार्गदर्शक बरोबर त्याच रस्त्याने नेतो. नदीच्या पलीकडे जाणाऱ्या पायवाटेवरील बांबूच्या दाट झाडीत कधी ती दिसते. तर कधी कोरड्या नदीच्या धरणाजवळ ती दिसते. भानूसखिंडी(टी-१७) ही वाघीण जेव्हा धरणातून पाणी पिऊन जंगलात प्रवेश करते, तेव्हा तिच्या प्रत्येक चालीबरोबर उडणारे पाण्याचे थेंब पहाटेच्या कोवळ्या किरणांमध्ये चमकतात. तिच्या चार शावकांसाठी ती शिकार करुन ठेवते आणि विशेष म्हणजे ती सुरक्षित ठिकाणी नेऊन ठेवते. हे तिच्या शावकांनाही ठाऊक असते. लपवून ठेवलेली शिकार आणण्यासाठी ती तेव्हा जाते तेव्हा तिची चार शावकं नदीच्या कडेला उंच गवतातून पाहात असतात. पर्यटकांची चाहूल लागली की भानूसखिंडी धरणाच्य वरच्या बाजूला चालत कोरड्या नदीच्यापलीकडे गवतात शिरते. क्षणभर ती पर्यटकांकडे तटस्थपणे नजर टाकते. त्यावेळी पर्यटकांनाही तिच्या मनात नेमके चालले काय हे कळत नाही आणि क्षणभरात ती तिथून निघूनही जाते सर्व छायाचित्रे - अरविंद बंडा (हेही पाहा : ताडोबाची शान ‘बजरंग’ वाघ)