Viral Video : सोशल मीडियावर अनेक जण त्यांच्या लहान मुलांचे व्हिडीओ आवडीने शेअर करतात. सध्या असाच एक व्हिडीओ समोर आला आहे. या व्हिडीओमध्ये एक चिमुकली आणि वडीलामधील गोड संवाद दाखवला आहे. वडील मुलीचे नाते हे जगावेगळे असते. या नात्यात प्रेम, काळजी, जिव्हाळा आणि आपुलकी दिसून येते. वडील मुलीच्या नात्यात एक वेगळा बॉन्ड दिसून येतो. हाच हटके बॉन्ड तुम्हाला या व्हिडीओत सुद्धा दिसून येईल.
या व्हिडीओमध्ये तुम्हाला दिसेल की एक चिमुकली तिच्यासमोर सोफ्यावर बसलेल्या वडिलांना म्हणते, “तुझं काही धडच नाही. लॅपटॉप इथे तिथे पाडता तुम्ही.” त्यावर वडील म्हणतात, “लॅपटॉप लागतो काम करायला.” त्यावर चिमुकली म्हणते, आता आईने सगळं भरून टाकलं”
त्यानंतर ती आत जाते आणि आईला सांगते, “बाबांच काही धडच नाही ते सगळं इथे तिथे पसरवून ठेवतात लॅपटॉप त्यांचा.” त्यावर आई विचारते, “काहीच जागेवर ठेवत नाही का” त्यावर चिमुकली नकारार्थी मान हलवते आणि म्हणते, “बॅगमध्ये काहीच ठेवत नाही. मी सगळं आवरते.” त्यानंतर ती पुन्हा बाबाजवळ जाते आणि म्हणते, “काय रे बाबा काय धडच नाही ठेवत तुम्ही. १ नंबर फुसकी बाबा आहेत. सगळं ड्रॉवरमध्ये का नाही ठेवलं. तसचं ठेवलंय तुम्ही.” त्यावर वडील म्हणतात “काय ठेवलंय मी?” त्यावर चिमुकली बोट दाखवून सांगते, “घड्याळ ब्रेसलेट, चेन अंगठी” पुढे चिमुकली म्हणते, “किती काम करू मी बाबा टाबा चाबा” वडील म्हणतात, “त्याला काय होते माझं काम करायला तुला काह प्रॉब्लेम आहे का?” त्यावर चिमुकली म्हणते, “हे काय बोलतात. बघ ना तू नुसते फुसके बाबा आहेत.”
u
पाहा व्हायरल व्हिडीओ
dreamgirl_shraavi या इन्स्टाग्राम अकाउंटवरुन हा व्हिडीओ शेअर केला असून या व्हिडीओच्या कॅप्शनमध्ये लिहिलेय, “ज्यांनी अशी बाबांची शाळा घेतली आहे त्यांनी comment मध्ये सांगा तुमच्या आठवणी” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “कित्ती गोड बोलते फुसके बाबा, टाबा, चाबा” आणखी एका युजरने लिहिलेय, “बाबांची लाडू बाई वैतागली आहे” एक युजर लिहितो, “तिच्यामुळे घरात आनंदी वातावरण असणार नेहमी कारण बोलतेच इतकं गोड”
© IE Online Media Services (P) Ltd