Sanjay Raut on Prafulla Patel:”त्याच प्रफुल्ल पटेलांचं अमित शाहांनी हसत स्वागत केलं”; राऊतांचा टोला
नवाब मलिकप्रकरणी राज्यातील वातावरण तापलेलं असताना आता प्रफुल्ल पटेलांविरोधात रान पेटले आहे. नवाब मलिकांना सत्तेत घेण्यास उपमुख्यमंत्री देवेंद्र फडणवीस यांनी नकार दर्शवला. मग दाऊदशी संबंध असलेल्या प्रफुल्ल पटेलांसोबत कशी काय हातमिळवणी केली, असा प्रश्न विरोधकांकडून विचारला जात आहे. यावरून ठाकरे गटाचे नेते संजय राऊत यांनी उपमुख्यमंत्री देवेंद्र फडणवीस, पंतप्रधान नरेंद्र मोदी आणि गृहमंत्री अमित शाह यांना धारेवर धरलं आहे. ते आज (९ डिसेंबर) पुण्यात बोलत होते.
