Devendra Fadnavis on Ajit Pawar:”अजित पवारांनी चांगलं काम केलं, तरीही…”, फडणवीस नेमकं काय म्हणाले?

आज (२ मार्च) बारामतीमध्ये नमो रोजगार मेळावा पार पडणार असून या कार्यक्रमाला अजित पवार आणि शरद पवार एकत्र उपस्थित होते. यावेळी मुख्यमंत्री, दोन्ही उपमुख्यमंत्री आणि शरद पवार काय बोलणार? याकडे सर्वांचे लक्ष लागून होतं. यावेळी बोलताना उपमुख्यमंत्री देवेंद्र फडणवीस यांनी कामांचे कौतुक केले. “हे सरकारी बांधकाम वाटतच नाही. बस स्टँड तर विमानतळ असल्याप्रमाणे विकसित केले आहे. पोलीस उपमुख्यालय तर एखाद्या कॉर्पोरेट कार्यालयासारखे बांधले आहे”, अशा शब्दांत फडणवीस यांनी उपमुख्यमंत्री अजित पवार यांची प्रशंसा केली.