पंतप्रधान नरेंद्र मोदी यांनी केलेल्या मंगळसूत्राच्या टीकेवरुन काँग्रेस नेत्या प्रियांका गांधी चांगल्याच आक्रमक झालेल्या पाहण्यास मिळाल्या. त्यांनी त्यांची आई सोनिया गांधी आणि आजी इंदिरा गांधी यांचं उदाहरण देत पंतप्रधान नरेंद्र मोदींच्या टीकेला जोरदार प्रत्युत्तर दिलं आहे. नरेंद्र मोदींनी राजस्थानच्या सभेत जे वक्तव्य केलं त्यावरुन विविध प्रतिक्रिया येत आहेत. आता प्रियांका गांधींनीही मोदींवर टीका केली आहे.