Eknath Shinde Political Crisis Ajit Pawar says I have never came in front of media after early morning swearing ceremony of 2019 scsg 91 | Loksatta

एकनाथ शिदेंच्या बंडासंदर्भात बोलता बोलता अजित पवारांना आठवला पहाटेचा शपथविधी; म्हणाले, “मी जेव्हा शपथ घेतली…”

अजित पवारांनी केलेलं विधान ऐकून त्यांच्या बाजूला बसलेल्या प्रफुल्ल पटेलांसहीत सर्वच पत्रकार हसू लागले.

एकनाथ शिदेंच्या बंडासंदर्भात बोलता बोलता अजित पवारांना आठवला पहाटेचा शपथविधी; म्हणाले, “मी जेव्हा शपथ घेतली…”
मुंबईतील पत्रकार परिषदेमध्ये प्रश्नाला उत्तर देताना अजित पवारांचं वक्तव्य (फाइल फोटो)

शिवसेनेचे नेते एकनाथ शिंदे यांनी स्वपक्षाविरोधात बंड पुकारल्यापासून महाराष्ट्रातील राजकीय वातावरण ढवळून निघालं आहे. मंगळवारी एकनाथ शिंदे हे काही सहकारी आमदारांसोबत सुरतला गेले आणि बुधवारी रात्री गुवहाटीमध्ये दाखल झाे. आपल्याकडे शिवसेनेच्या ३७ आमदारांबरोबरच अपक्ष आमदारांसहीत एकूण ४६ आमदारांचं समर्थन असल्याचा दावा शिंदेंनी केला आहे.

नक्की वाचा >> “…ही माझी लायकी नाही”; नारायण राणेंनी पवारांवर केलेल्या टीकेसंदर्भात प्रश्न विचारला असता अजित पवारांचं उत्तर

शिंदे यांच्या बंडामुळे राज्यातील महाविकास आघाडी सरकार पडणार की काय अशी परिस्थिती निर्माण झाल्याचं चित्र दिसत आहे. मात्र हा बंडखोरीसंदर्भातील बातम्या समोर येऊ लागल्यानंतर सोशल नेटवर्किंगवर अनेकदा महाविकास आघाडी सरकारच्या स्थापनेआधी २०१९ मध्ये नोव्हेंबर महिन्यात उपमुख्यमंत्री अजित पवार यांनी केलेल्या बंडाची आठवण झाली. या बंडाळीसंदर्भात सोशल मीडियावर चर्चा रंगलेली असतानाच आज मुंबईतील पत्रकार परिषदेमध्ये खुद्द अजित पवारांनाच त्या पहाटेच्या शपथविधीसंदर्भात भाष्य केलं.

नक्की वाचा >> “तुम्ही आमचे सहा नगरसेवक नेले, शिंदेंनी तुमचे ३६ आमदार नेले, आता कसं वाटतंय?”; मुंबईत मनसेची शिवसेनेविरोधात बॅनरबाजी

झालं असं की, एकनाथ शिंदेंनी पुकारलेलं बंड आणि त्यासंदर्भातील सल्लामसलत करण्यासाठी आयोजित करण्यात आलेल्या शरद पवारांसोबतच्या बैठकीनंतर अजित पवारांनी यशंवतराव चव्हाण सभागृहाबाहेर पत्रकारांशी संवाद साधला. यावेळेस शिंदे आणि समर्थक आमदारांकडून भाजपासोबत जाण्याची मागणी होत आहे, शिवसेनेच्या बंडखोर आमदारांना काँग्रेस आणि राष्ट्रवादीसोबत आघाडी नकोय अशा साऱ्या गोष्टींचासंदर्भ देत पत्रकार अजित पवारांना प्रश्न विचारत होते. त्यावेळी एका प्रश्नाला उत्तर देताना अजित पवारांनी थेट माजी पंतप्रधान अटलबिहारी वाजपेयी यांच्या तसेच मनमोहन सिंग यांच्या सरकारची उदाहरणं दिली.

नक्की वाचा >> एकनाथ शिंदेंच्या बंडामागे भाजपाचा हात? अजित पवार आणि शरद पवारांची परस्परविरोधी वक्तव्यं; म्हणाले, “अजित पवारांना…”

“२५ पक्ष घेऊन वाजपेयी यांनी सरकार चालवलं होतं. चालवलं होतं ना? त्यानंतर १० वर्ष काँग्रेसचं सरकार होतं. तेव्हा त्यात किती पक्ष होते? बरेच पक्ष होतं ना?”, असे प्रतिप्रश्न उत्तर देताना अजित पवारांनी विचारले. तीन पक्षांच्या सरकारपेक्षा दोन पक्षांचं सरकार चांगलं असं तुम्ही पहिल्यांदा शपथ घेतल्यानंतर म्हणाला होता, असं पत्रकार म्हणाला. त्यानंतर, अजित पवारांनी स्वत:कडे हात करत, “कोण मी?” असा प्रश्न पत्रकाराला विचारला. त्यावर पत्रकाराने ‘होय, नोव्हेंबर २०१९ मध्ये’ असं उत्तर दिलं.

नक्की पाहा >> Video: “…तर बाळासाहेब ठाकरेंनी एकनाथ शिंदेंच्या कानाखाली जाळ काढला असता”

पत्रकारने थेट देवेंद्र फडणवीसांसोबतच्या पहाटेच्या शपथविधीचा संदर्भ दिल्यानंतर अजित पवारांनी त्यावर मजेशीर प्रतिक्रिया दिली. “मी जेव्हा पहिल्यांदा शपथ घेतली होती ना, त्यानंतर मी प्रसारमाध्यमांसमोर आलोच नव्हतो,” असं अजित पवार यांनी एकदम हातवारे करुन सांगितलं. ते पाहून अजित पवारांच्या बाजूला बसलेले राष्ट्रवादीचे राज्यसभेचे खासदार प्रफुल्ल पटेल यांच्यासहीत सर्वच उपस्थित पत्रकार जोरजोरात हसू लागले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“…तर आम्ही भाजपावाले आणि देवेंद्र फडणवीस”, किचन कल्लाकारमध्ये रामदास आठवलेंनी दिला अजित पवारांना सल्ला

संबंधित बातम्या

“बाबासाहेब पुरंदरेंच्या विकृत व अनैतिहासिक मांडणीवर…”, राज ठाकरेंच्या भेटीनंतर जयसिंगराव पवारांचा मोठा खुलासा
“शिवरायांच्या प्रेमाचे स्वार्थी उमाळे येणाऱ्या शरद पवारांनी…”, शिंदे गटाचा खोचक टोला; कवितेतून ठाकरे गटालाही केलं लक्ष्य!
Maharashtra News Live : शिवरायांच्या समाधी स्थळावर जाऊन वेदना मांडणार, उदयनराजेंची प्रतिक्रिया; इतर महत्त्वाच्या घडामोडी जाणून घ्या, एका क्लिकवर…
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान
उदयनराजेंच्या नाराजीवर शिवेंद्रसिंहराजेंचे मोठे विधान, म्हणाले “ज्या घराण्याचे वारस आहात त्याच…”

व्हिडिओ

ताज्या बातम्या
IND vs PAK: “भारताचा आत्मविश्वास वाढू नये…” २६ वर्षापूर्वीच्या वादाला वसीम अक्रमच्या वक्तव्याने फुटले तोंड
पुणे: एसटी बसच्या धडकेने दुचाकीवरील सहप्रवाशाचा मृत्यू; सोलापूर रस्त्यावर अपघात
व्हॉट्सअ‍ॅपमधून महत्वाचा फोटो, व्हिडिओ डिलीट झाला? असे परत मिळवा
विश्लेषण : कुख्यात गँगस्टर गोल्डी ब्रारला अमेरिकेत अटक, सिद्धू मुसेवाला हत्या प्रकरणाशी काय आहे संबंध?
IPL 2023 Auction: ५५ खेळाडूंवर लागणार करोडोंची बोली; तर दोन-दीड कोटीच्या गटात एकाही भारतीयाला स्थान नाही