तुम्हाला अभिनेता अजय देवगणचा ‘दृश्यम’ चित्रपट आठवत असेल, जो सुपरस्टार मोहनलाल स्टारर मल्याळी फिल्मच्या पहिल्या पार्टचा हिंदी भाग होता. आता अजय देवगणच्या चाहत्यांसाठी एक आनंदाची बातमी आहे. ‘दृश्यम’ मधून चौथी नापास केबल ऑपरेटरच्या भूमिकेतून प्रेक्षकांना खिळवून ठेवणारा अभिनेता अजय देवगण पुन्हा एकदा सिक्वेलमध्ये म्हणजेच ‘दृश्यम २’ मध्ये आपला जलवा दाखवणार आहे.
‘दृश्यम’ हिंदी चित्रपटात कथेचा सस्पेन्स कायम ठेवल्यानंतर पुढचा सिक्वेल ‘दृश्यम २’ हा मल्याळी भाषेनंतर हिंदीमध्ये सुद्धा येणार आहे. काही दिवसांपुर्वीच याची घोषणा करण्यात आलीये. प्रसिद्ध निर्माते कुमार मंगत पाठक आणि अभिषेक पाठक यांनी पॅनरोमा स्टूडिओज इंटरनॅशनलकडून चित्रपटाच्या हिंदी रीमेकचे हक्क खरेदी केले आहेत.
IT’S OFFICIAL… Kumar Mangat Pathak and Abhishek Pathak [of Panorama Studios International] acquire *#Hindi remake rights* of #Drishyam2… The important details – including the director – will be announced soon… OFFICIAL STATEMENT… pic.twitter.com/eE407Jz1E3
— taran adarsh (@taran_adarsh) May 4, 2021
अजय आणि तब्बू यांच्या मुख्य भूमिका असणारा ‘दृश्यम’ हा मुळात मल्याळम अभिनेते मोहनलाल स्टारर ‘दृश्यम’ चित्रपटाचा हिंदी रिमेक होता. मल्याळम आणि हिंदी भाषेतला ‘दृश्यम’ सुपरहीट ठरल्यानंतर मल्याळम भाषेतला ‘दृश्यम २’ हा नुकताच ओटीटी प्लॅटफॉर्मवर रिलीज करण्यात आला.
आधीच्या चित्रपटाप्रमाणेच यंदाही मल्याळी प्रेक्षकांनी तुफान प्रतिसाद देत ‘दृश्यम २’ सुपरहीट ठरला. हाच सस्पेन्स आणि थ्रीलर घेऊन हिंदीमधल्या सिक्वेलमध्ये अभिनेता अजय देवगण कधी भेटीला येणार, अशी चर्चा सगळीकडेच सुरू होती. हिंदी भाषेतल्या ‘दृश्यम २’ ची घोषणा निर्मांत्यांनी काही दिवसांपुर्वीच केली असली तरी त्यात अभिनेता अजय देवगण आणि अभिनेत्री तब्बूची जोडी दिसणार का ? हे मात्र निर्मात्यांनी आतापर्यंत गुलदस्त्यात ठेवलं होतं. तसंच चित्रपटातल्या स्टारकास्टची नावं देखील जाहीर केली नव्हती.
परंतू या चर्चांवर पूर्णविराम लागला असून तब्बू आणि अजय हेच पुन्हा एकदा सिक्वेलमध्ये दिसणार असून दोघांनीही या ‘दृश्यम २’ साठी होकार दिला आहे. 2021 च्या शेवटी या चित्रपटाचे शूटिंग सुरुवात होणार असून 2022 मध्ये हा चित्रपट प्रेक्षकांच्या भेटीला येणार आहे.