Dasara Melava: CM शिंदेंचं 'ते' एक वाक्य अमृता फडणवीसांना फारच आवडलं; कौतुकाचा वर्षाव करत म्हणाल्या, "आपल्या राज्याला जो..." | Dasara Melava Amruta fadnavis praises CM Eknath Shinde Tweets in support scsg 91 | Loksatta

Dasara Melava: CM शिंदेंचं ‘ते’ एक वाक्य अमृता फडणवीसांना फारच आवडलं; कौतुकाचा वर्षाव करत म्हणाल्या, “आपल्या राज्याला जो…”

शिंदे गटाच्या पहिल्याच दसरा मेळ्यामध्ये मुख्यमंत्र्यांनी दीड तास भाषण केलं.

Dasara Melava: CM शिंदेंचं ‘ते’ एक वाक्य अमृता फडणवीसांना फारच आवडलं; कौतुकाचा वर्षाव करत म्हणाल्या, “आपल्या राज्याला जो…”
ट्वीटरवरुन अमृता यांनी नोंदवलं मत

मुख्यमंत्री एकनाथ शिंदे यांच्या नेतृत्वाखालील शिंदे गटाचा पहिलाच दसरा मेळावा बुधवारी वांद्रे-कुर्ला संकुलात पार पडला. या मेळाव्यासाठी शिंदे गटाकडून जोरदार तयारी करण्यात आली होती. मेळाव्यामध्ये मुख्यमंत्री शिंदेंबरोबरच शिंदे समर्थक आमदार, खासदार आणि प्रवक्त्यांनी ठाकरे कुटुंबाला लक्ष्य केलं. या मेळाव्यामध्ये मुंबई महानगरपालिकेच्या निवडणुकीच्या प्रचाराची झलक पहायला मिळाली. मात्र मेळाव्यातील भाषणापूर्वीच मुख्यमंत्री शिंदेंनी केलेल्या एका विधानावरुन राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांनी कौतुकाचा वर्षाव केल्याचं पहायला मिळालं.

नक्की वाचा >> Dasara Melava : उद्धव ठाकरेंच्या दसरा मेळाव्यातील भाषणावर मनसेची पहिली प्रतिक्रिया; म्हणाले, “विचार ही नाही आणि…”

झालं असं की, मेळाव्यामध्ये शिवसेनेतील फुटीर आमदारांचा सातत्याने ‘गद्दार’ असा उल्लेख करणाऱ्या उद्धव आणि आदित्य ठाकरे यांना ‘कुणी केली गद्दारी?’ असा प्रतिप्रश्न मुख्यमंत्री शिंदे यांनी केला. दसरा मेळाव्यातून मुंबई आणि महानगर क्षेत्रात आगामी काळात होणाऱ्या महापालिका निवडणुकांचे एकप्रकारे रणशिंगच या विधानाच्या माध्यमातून फुंकल्याचे चित्र पहायला मिळालं. या आपल्या पहिल्याच मेळाव्यात भाषणासाठी उभे रहाण्याच्या काही तासांपुर्वी म्हणजेच दुपारी चार वाजून २९ मिनिटांनी शिंदे यांनी एक ट्वीट केलं होतं.

नक्की वाचा >> Dasara Melava: ‘फिरायला नेतो’ सांगून परराज्यातील कामगारांना पुण्यातून CM शिंदेंच्या मेळाव्याला आणलं; म्हणे, “राज ठाकरेंच्या…”

‘मेरे बेटे, बेटे होने से मेरे उत्तराधिकारी नही होंगे, जो मेरे उत्तराधिकारी होंगे, वो मेरे बेटे होंगे’ या हरिवंशराय बच्चन यांच्या ओळी शिंदेंनी ट्वीट केल्या होत्या. त्यांनी ‘विचारांचे वारसदार’ हा हॅशटॅगही वापरला होता. त्यांनी हे ट्वीट करत घराणेशाहीच्या मुद्दयावर ठाकरे पिता-पुत्रांची कोंडी करण्यासाठी वातावरण निर्मीती केली होती. आपल्या मेळाव्यामधील भाषणामध्येही हाच मुद्दा पुढे नेत उद्धव यांनी शिवसेना वाढविण्यासाठी काय केले असा सवाल करत शिंदे यांनी नोकर आणि मालकाचा संदर्भ देत केला. यामधून शिंदे यांनी शिवसैनिकांची सहानभूतीही मिळविण्याचा प्रयत्न केल्याचे दिसून आले.

नक्की वाचा >> Dasara Melava: “…तेव्हा राज ठाकरेंना शिव्या घालण्याचे आदेश ‘मातोश्री’वरुन आले”; शिंदे गटातील खासदाराचा खळबळजनक आरोप

त्यानंतर सायंकाळी आठच्या सुमारास उद्धव ठाकरे यांनी शिवाजी पार्कवरुन भाषणाला सुरुवात केली. मात्र उद्धव यांचं भाषण सुरु असतानाच अमृता फडणवीस यांनी एकनाथ शिंदेंनी केलेलं हे ट्वीट कोट करुन रिट्वीट करत प्रतिक्रिया नोंदवली. “याच बदलाची आज महाराष्ट्र आणि देशाला गरज आहे. आपल्या राज्याला आणि देशाला जो बदल पाहण्याची अपेक्षा आहे तो तुम्हीच आहात एकनाथ शिंदेजी,” असं अमृता यांनी ट्वीटरवर म्हटलं आहे.

नक्की वाचा >> “बाबा रुग्णालयात असताना पक्ष फोडल्याची टीका करणारे स्वत: स्विझर्लंडला होते”, “ठाकरे लंडनला असायचे तेव्हा आम्ही नालेसफाई…”

नक्की वाचा >> Dasara Melava: “‘समृद्धी महामार्गा’वर सामान्यांना बंदी मग शिंदे समर्थकांना तो वापरण्याची परवानगी कोणी दिली? गुन्हे दाखल करा”

दरम्यान उद्धव ठाकरेंचं भाषण संपत असतानाच बीकेसीच्या मैदानात भाषण सुरु केल्यानंतर एकनाथ शिंदे जवळजवळ दीड तास बोलत होते. यामध्ये त्यांनी काँग्रेस, राष्ट्रवादी काँग्रेसशी सोबत केलेली आघाडी, भाजपाशी मोडलेली युती आणि हिंदूत्वाच्या मुद्दयावर ठाकरे पिता-पुत्रांवर टीका केलीच. मात्र ही टीका करताना पंतप्रधान नरेंद्र मोदी आणि गृहमंत्री अमित शाह यांचे कौतुक केल्याने, मुंबई महापालिका निवडणुकीत शिंदे यांचा प्रचार भाजपाच्या वाटेनेच पुढे चालेल हे देखील स्पष्ट होऊ लागले आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘अवघ्या दीड वर्षाच्या नातवालाही नाही सोडलं’, उद्धव ठाकरेंच्या टीकेने एकनाथ शिंदे व्यथित, संताप व्यक्त करत म्हणाले “ज्या दिवशी…”

संबंधित बातम्या

चुकीच्या ट्वीटमुळे भाजपा महिला प्रदेशाध्यक्ष चित्रा वाघ अडचणीत
“आमच्या नितूचा अभ्यास कच्चा” नितेश राणेंविरोधात सुषमा अंधारेंची उपरोधिक टोलेबाजी!
“संजय राऊतांच्या रुपात हा कादर खान आता…” राज ठाकरेंवरील टीकेचा मनसेकडून समाचार
नायगाव-वरळी बीडीडीवासीयांसाठी खुशखबर; तब्बल ४६० रहिवाशांना म्हाडाच्या घराची हमी
‘उद्धव ठाकरे तब्येतीचं कारण सांगून बाहेर पडत नव्हते’ म्हणणाऱ्या राज ठाकरेंना अरविंद सावंतांचे प्रत्युत्तर; म्हणाले, “ज्या डॉक्टरांनी…”

व्हिडिओ

ताज्या बातम्या
FIFA WC 2022: “असं करण्याची हिम्मत…” मेक्सिकन बॉक्सरने सेलिब्रेशनमध्ये गुंग असलेल्या मेस्सीला दिली धमकी
‘द कश्मीर फाइल्स’ चित्रपटाला ‘व्हल्गर’ आणि ‘प्रोपगंडा’ म्हणणारे इफ्फीचे ज्युरी हेड नदाव लॅपिड नक्की कोण? जाणून घ्या
लष्करात अधिकारी असल्याची बतावणी करुन महिलेचा विनयभंग
“आता पुन्हा आसामला जाऊन नवस करणार का?” संजय राऊतांचा एकनाथ शिंदे सरकारवर हल्लाबोल, सीमावादावरून टीका!
…तर हजारो विद्यार्थी पोलीस भरतीला मुकणार