BJP Manifesto : भाजपाच्या जाहीरनाम्यात महिला, गरीब आणि शेतकऱ्यांना प्राधान्य; वीज, गॅस आणि घरांबाबत मोठ्या घोषणा

लोकसभा निवडणुकीच्या पार्श्वभूमीवर भारतीय जनता पक्षाने आज (१४ एप्रिल) जाहीरनामा प्रसिद्ध केला आहे. पंतप्रधान नरेंद्र मोदी, गृहमंत्री अमित शाह, भाजपा अध्यक्ष जे.पी.नड्डा यांच्या उपस्थितीत हा जाहीरनामा प्रसिद्ध करण्यात आला. मोफत रेशन योजना पुढील ५ वर्षे सुरू राहणार. सहकारातून समृद्धीच्या दृष्टीकोनातून भाजपा राष्ट्रीय सहकार धोरण आणणार.देशभरातील दुग्धव्यवसाय आणि सहकारी संस्थांची संख्याही वाढवण्यात येणार. ७० वर्षांवरील प्रत्येक वृद्ध व्यक्तीला आयुष्मान योजनेच्या कक्षेत आणले जाईल. ७० वर्षांवरील प्रत्येक वृद्ध व्यक्तीला ५ लाख रुपयांपर्यंत मोफत उपचार सुविधा मिळणार. तृतीयपंथी समुदायाला आयुष्यमान भारत योजनेचा लाभ मिळणार. जेनेरिक औषधांची केंद्र आणखी वाढवण्यात येणार. गरीबांसाठी आणखी तीन कोटी घरे बांधणार. पंतप्रधान आवास योजनेत आता दिव्यांगांना प्राधान्य दिले जाईल. घराघरांपर्यंत पाईपलाईनने गॅस पोहोचविणार. उज्ज्वला योजनेची सबसिडी पुढील एका वर्षांपर्यंत वाढविण्यात येणार महिला सक्षमीकरणासाठी प्राधान्य देण्यात येणार.३ कोटी महिलांना लखपती करणार, महिलांना आयटी, टुरिझमकडे वळवणार. महिला खेळाडूंना विशेष सुविधा देणार. कोट्यवधी लोकांची वीजबील शून्य करण्यावर भर देण्यात येणार. मुद्रा योजनेची व्याप्ती २० लाखांपर्यंत वाढवणार कृषी क्षेत्रावर विशेष लक्ष, देशात फूड प्रोसेसिंग हब बनणार. पीएम किसान योजनेचा लाभ या पुढेही दहा कोटी शेतकऱ्यांना मिळणार. (सर्व फोटो - भाजपा/X)

संबंधित बातम्या

फोटो गॅलरी

ट्रेंडिंग टॉपिक्स