Photos: अमृता फडणवीसांप्रमाणेच 'या' अभिनेत्रीही घालतात हातात मंगळसूत्र

झी मराठीवरील 'बस बाई बस' या कार्यक्रमाची सध्या संपूर्ण महाराष्ट्र चर्चा सुरु आहे. नुकतेच महाराष्ट्र राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांनी या कार्यक्रमात हजेरी लावली. सुबोध भावे आणि महिला मंडळ हे अमृता फडणवीसांचा जीवन प्रवास उलगडणार आणि त्यांना पेचात टाकणारे काही प्रश्न देखील विचारणार आहेत. या कार्यक्रमातील महिला मंडळाने त्यांना खूप गमतीशीर प्रश्न विचारले आणि त्यांनीही तेवढ्याच खुमासदार अशी उत्तरे दिली आहेत. या तिसऱ्या भागात महिला मंडळाने विचारलेल्या गळ्यातील मंगळसूत्रबद्दलच्या प्रश्नाचे उत्तर फारच खुमासदार पणे दिले. 'तुम्ही गळ्यामध्ये मंगळसूत्र घातले नाही तर तुम्हाला सासूबाई ओरडत नाही का?' असा प्रश्न अमृता फडणवीस यांना या कार्यक्रमात सहभागी झालेल्या एका महिलेने विचारला होता. यावर उत्तर देताना त्या म्हणाल्या, 'मंगळसूत्र हे सौभाग्याचे प्रतिक असते. त्यामुळे आपल्या पतीने आपला गळा पकडण्यापेक्षा हातात हात धरला पाहिजे. म्हणूनच मी माझ्या हातात मंगळसूत्र घालायला लागली.' अमृता फडणवीसांप्रमाणे बॉलिवूडच्या 'या' अभिनेत्री देखील हातात मंगळसूत्र घालतात. मंगळसूत्र हा एक पवित्र दागिना मानला जातो जो हिंदू स्त्रिया लग्नानंतर घालतात. फिटनेसकडे विशेष लक्ष देणारी बॉलिवूड अभिनेत्री शिल्पा शेट्टीसुद्धा हातात मंगळसूत्र घालते. बॉलिवूड अभिनेत्री सोनम कपूरने मंगळसूत्राच्या ब्रेसलेटला पसंती दिली आहे. बॉलिवूड अभिनेत्री बिपाशा बासूसुद्धा हातात मंगळसूत्र घालते. मराठमोळी अभिनेत्री अभिज्ञा भावेने देखील ब्रेसलेट मंगळसूत्राला पसंती दिली आहे. (सर्व फोटो सौजन्य : इन्स्टाग्राम) (हेही पाहा : ‘लोक मामी म्हणतात हे ऐकून कसं वाटतं?’ विचारल्यावर अमृता फडणवीस म्हणाल्या…)