barkha madan left bollywood and became Buddhist Monk

बॉलिवूडमधील अनेक लोकप्रिय अभिनेत्रींनी चित्रपटांमध्ये काम करणं थांबवलं. परंतु त्या अभिनेत्री नंतर बिझनेसकडे वळल्या किंवा काहींनी स्वतःचे ब्रँड सुरू केले, तर काही गृहीणी बनल्या. पण, एक अभिनेत्री अशी पण होती जिने आपलं यशस्वी करिअर सोडून भिक्षू होण्याचा निर्णय घेतला. फोटोंवरून तुम्ही तिला ओळखलं नसेल. तर या अभिनेत्रीचं नाव आहे बरखा मदान. बरखा मदानने १० वर्षांपूर्वी बॉलिवूड सोडलं आणि ती बौद्ध भिक्षू बनली. आता ती तिचा बहुतांश वेळ हिमाचल प्रदेशातील धर्मशाला येथे घालवते. बरखा मदनने केवळ बौद्ध धर्म स्वीकारला नाही तर तिचे नावही बदलले. तिने नावंही बदलून ग्याल्टेन सॅमटेन (Gyalten Samten) ठेवले आहे. बरखा मदान एकेकाळी लोकप्रिय मॉडेल होती. ती १९९४च्या मिस इंडिया स्पर्धेत विजेत्या सुष्मिता सेन आणि ऐश्वर्या राय यांच्यासह अंतिम फेरीत सहभागी झाली होती. बरखाने आपल्या फिल्मी करिअरची सुरुवात अक्षय कुमारबरोबर 'खिलाडी का खिलाडी' या चित्रपटातून केली होती. त्यानंतर तिने कधीच मागे वळून पाहिले नाही. बरखाने बॉलिवूडसह परदेशी आणि पंजाबी चित्रपटही केले. राम गोपाल वर्माच्या भूत चित्रपटामध्ये तिने साकारलेली भुताची भूमिका तिच्या लोकप्रिय भूमिकांपैकी एक आहे. पण नंतर अचानक बरखा मदनचे ग्लॅमर इंडस्ट्रीतील आकर्षण कमी झाले व ती नन बनली. नन झाल्यानंतर तिने बौद्ध धर्म स्वीकारला आणि आता ती बौद्ध भिक्षू म्हणून आपले जीवन जगत आहे. (Photos: Barkha Madaan Facebook and Social Media)