Photos: जेव्हा उर्वशी रौतेला आणि दीपिका पदुकोण विमानप्रवासादरम्यान अचानक भेटतात...

फक्त भारतातच नव्हे तर भारताबाहेरही आपल्या अभिनयाची छाप प्रेक्षकांवर पाडणारी प्रसिद्ध अभिनेत्री म्हणजे दीपिका पदुकोण. दीपिका पदुकोण ही बॉलिवूडमधील सर्वात जास्त मानधन घेणारी अभिनेत्री म्हणून ओळखली जाते. शूटिंगच्या व्यतिरिक्तही चित्रपट महोत्सवांच्या निमित्ताने तिचे परदेश दौरे सतत सुरु असतात. तर दुसरीकडे, अभिनेत्री उर्वशी रौतेलाही बॉलिवूडमधील एक आघाडीची अभिनेत्री म्हणून ओळखली जाऊ लागली आहे. सोशल मीडियावर सक्रिय राहून ती आपल्या आयुष्यातल्या घडामोडी चाहत्यांशी शेअर करते. अत्यंत मनमोकळ्या स्वभाव असलेली उर्वशी पटकन समोरच्या व्यक्तीशी मैत्री करू शकते. त्याचप्रमाणे दीपिका पदुकोणही तिच्या दिलखुलास स्वभावामुळे प्रसिद्ध आहे. या दोघी नुकत्याच एका विमानप्रवासादरम्यान एकमेकींना अचानक भेटल्या. दुबईहून मुंबईत या दोघीही एकाच विमानातून परतत होत्या. आपल्या विमानात दीपिका आहे हे उर्वशीला कळल्यावर ती दीपिकाकडे गेली आणि तिला घट्ट मिठी मारली. तसेच तिने दीपिकाच्या गालावर किसही केले. दीपिकाही उर्वशीशी छान हसून बोलली. दोघींच्यात छान गप्पा झाल्या. दोन आघाडीच्या अभिनेत्री एकमेकींशी नीट बोलत नाहीत हा सगळ्यांचा समज या दोघींनी पुसून काढला.