रिचा चड्ढा आणि अली फझलच्या लग्नात वेगळेच नियम, पाहुण्यांना टाळाव्या लागणार 'या' गोष्टी

अभिनेता अली फजल आणि अभिनेत्री रिचा चड्ढा लवकरच लग्नबंधनात अडकणार आहेत. रिचा-अलीचं लग्न कुठे पार पडणार, बॉलिवूडमधल्या कोणत्या कलाकारांना आमंत्रिक केलं गेलंय, हे सर्व जाणून घेण्याची चाहत्यांना फार उत्सुकता आहे. काही दिवसांपूर्वीच या दोघांच्या लग्नपत्रिकेचा फोटो व्हायरल झाला होता. त्यानंतर यांच्या लग्नाची नियमावली समोर आली आहे. हल्ली सेलिब्रिटींच्या लग्नसोहळ्यात ‘नो मोबाइल फोन पॉलिसी’ खूपच वापरली जात आहे सोशल मीडियावर लग्नाचे फोटो व्हायरल होऊ नये यासाठी हा नियम लावला जातो. मात्र अली आणि रिचाने त्यांच्या लग्नात पाहुण्यांना मोबाईल वापरण्याची मुभा दिली आहे. पण पाहुणे मंडळी हातात मोबाइल फोन असला तरी रिचा-अलीच्या लग्नाचे फोटो क्लिक करू शकणार नाहीत. ही एकच अट या दोघांकडून पाहुण्यांना घालण्यात आली आहे. २०१५ पासून हे दोघं एकमेकांना डेट करत आहेत. ३० सप्टेंबरपासून रिचा आणि अलीच्या लग्नाच्या कार्यक्रमांना सुरुवात होणार आहे. ६ ऑक्टोबर रोजी हे दोघं लग्नगाठ बांधणार आहेत.