Photos: नवाजुद्दीन सिद्दीकीबरोबर 'हड्डी' चित्रपटात काम करणाऱ्या 'या' मराठी अभिनेत्रीला ओळखलत का?

अभिनेता नवाजुद्दीन सिद्दिकी याचा 'हड्डी' हा चित्रपट गेले काही दिवस खूपच चर्चेत आहे. या चित्रपटात नवाजुद्दीन तृतीयपंथीची व्यक्तिरेखा साकारताना दिसणार आहे. नुकताच त्याने त्याचा या चित्रपटातील स्त्री वेशातला एक फोटो पोस्ट केला. या फोटोत नवाजुद्दीनबरोबर एक मराठी अभिनेत्रीही झळकत आहे. नवाजुद्दीन सिद्दिकीने शेअर केलेल्या फोटोमध्ये त्याच्याबरोबर दिसणारी अभिनेत्री म्हणजे मराठी सिनेसृष्टीतील पहिली ट्रान्सजेंडर अभिनेत्री गंगा. गंगाने तिच्या कामाने आणि स्वभावाने मराठी मनोरंजनसृष्टीत स्वतःची स्वतंत्र ओळख निर्माण केली आहे. 'कारभारी लयभारी' या मालिकेत तिने महत्वापूर्ण भूमिका साकारली होती. 'युवा डान्सिंग क्वीन' या रिअलिटी शोच्या सूत्रसंचालकाच्या भूमिकेतही ती दिसली. आता ती नवाजुद्दीन सिद्दीकीच्या 'हड्डी' या चित्रपटातून प्रेक्षकांच्या भेटीला येणार आहे. या चित्रपटात ती महत्त्वपूर्ण भूमिका साकारताना दिसणार आहे. परंतु या चित्रपटात तिची भूमिका नेमकी काय आणि कशी असेल हे अद्याप स्पष्ट झालेलं नाही. नवाजुद्दीनने शेअर केलेल्या पोस्टरमध्ये तिला पाहून तिच्या चाहत्यांनी आनंद व्यक्त केला आहे. तसंच तिला मोठ्या पडद्यावर पाहण्यासाठी तिचे चाहते खूप उत्सुक आहेत.