Photos: someone charged 10 crores and Another took 15! 'These' are the most expensive actors on the OTT platform

गेल्या काही वर्षात ओटीटी प्लॅटफॉर्म बराच लोकप्रिय झाला असून याच्या मोहापायी अनेक मोठ्या बॉलिवूड स्टार्सनीदेखील यावर हात आजमावला आहे. ओटीटी प्लॅटफॉर्ममुळे अनेक नव्या कलाकारांना आपली कला दाखवण्याची संधी मिळाली आहे. आज आपण ओटीटी प्लॅटफॉर्मवरील सर्वांत महागड्या भारतीय कलाकारांविषयी जाणून घेऊया. अनुराग कश्यपच्या सेक्रेड गेम्समध्ये सैफ अली खानने सरताज सिंगची भूमिका साकारली होती. मीडिया रिपोर्ट्सनुसार या वेब सीरिजसाठी सैफने १५ कोटी रुपये आकारले होते. 'द फॅमिली मॅन २' या लोकप्रिय सीरिजसाठी अभिनेता मनोज बाजपेयीने १० कोटी रुपये घेतले होते. डीएनएच्या रिपोर्टनुसार, नवाजुद्दीन सिद्दीकीने सेक्रेड गेम्सच्या दुसऱ्या सीझनसाठी १० कोटी रुपये आकारले होते. मराठमोळी अभिनेत्री राधिका आपटे ही नेटफ्लिक्सचा लोकप्रिय चेहरा आहे. सेक्रेड गेम्समध्ये ती रॉ एजंटच्या भूमिकेत दिसली होती. इंडिया टाइम्सच्या वृत्तानुसार, राधिकाने या पात्रासाठी ४ कोटी रुपये आकारले होते. लोकप्रिय अभिनेता पंकज त्रिपाठी आपल्या अष्टपैलू अभिनयासाठी ओळखले जातात. पंकज त्रिपाठी यांनी मिर्झापूरच्या पहिल्या सीझनसाठी १० कोटी घेतले होते, तर सेक्रेड गेम्सच्या दुसऱ्या सीझनसाठी १२ कोटी रुपये घेतले होते. अली फजल लोकप्रिय वेब सीरिज मिर्झापूरमध्ये गुड्डू भैयाच्या भूमिकेत दिसला होता. मीडिया रिपोर्ट्सनुसार, या भूमिकेसाठी त्याने १२ लाख रुपये प्रति एपिसोड फी घेतली होती. सुप्रसिद्ध दाक्षिणात्य अभिनेत्री सामंथा रुथने 'द फॅमिली मॅन 2' मधील भूमिकेसाठी ४ कोटी रुपये फी घेतली. हंसल मेहता यांच्या जीवनावर आधारित वेब सीरिज 'स्कॅम 1992' मधील भूमिकेसाठी अभिनेता प्रतीक गांधीने एका एपिसोडसाठी प्रत्येकी ५ लाख आकारले होते.