Photos: तितीक्षा तावडे करतेय 'दृश्यम २' फेम अभिनेत्याला डेट? सोशल मीडियावर चर्चा

अभिनेत्री तितीक्षा तावडे सध्या झी मराठीवरील 'सातव्या मुलीची सातवी मुलगी' या मालिकेत काम करत आहे. सोशल मीडियावर तितीक्षा 'दृश्यम २' फेम अभिनेत्याला डेट करत असल्याची चर्चा रंगली आहे. यामागचं कारण म्हणजे तितीक्षाने इन्स्टाग्रामवर शेअर केलेले फोटो. तितीक्षाने अभिनेता सिद्धार्थ बोडकेबरोबरचा रोमँटिक फोटो इन्स्टाग्रामवर शेअर केला आहे. सिद्धार्थने २०१५ साली प्रदर्शित झालेल्या 'टाईम बरं वाईट' या चित्रपटातून मराठी चित्रपटसृष्टीत पदार्पण केले. त्यानंतर सिद्धार्थ 'भय' आणि 'नेबर्स' या चित्रपटांमध्ये दिसला. झी युवा वाहिनीवरील 'तू अशी जवळी राहा' या मालिकेतून सिद्धार्थला प्रसिद्धी मिळाली. सिद्धार्थने 'नकुशी तरी हवीहवीशी', ‘असे हे कन्यादान’, 'अस्सं सासर सुरेख बाई' या मालिकांमध्ये काम केले आहे. 'शाबाश मिथू' या चित्रपटातून तितीक्षाने बॉलिवूडमध्ये पदार्पण केले. तितीक्षाने 'सरस्वती', 'कन्यादान', 'तू अशी जवळी राहा' आणि 'ज्ञानेश्वर माउली' या मालिकांमध्ये काम केले आहे. तितीक्षा आणि सिद्धार्थच्या फोटोंवर 'तुम्ही एकमेकांना डेट करत आहात का?' अशा कमेंट्स आहेत. खरंच हे दोघे रिलेशनशिपमध्ये आहेत का? असा प्रश्न त्यांच्या चाहत्यांसमोर आहे. तितीक्षा आणि सिद्धार्थने त्यांचा रिलेशनशिपबद्दलची कोणती ही माहिती अद्याप दिली नाही आहे. हे दोघे एकमेकांबरोबरचे अनेक फोटो सोशल मीडियावर शेअर करत असतात. (सर्व फोटो सौजन्य : तितीक्षा तावडे आणि सिद्धार्थ बोडके / इन्स्टाग्राम) (हेही पाहा : मुग्धा वैशंपायन-प्रथमेश लघाटेचं Twinning; कपड्यांवरील विठ्ठल-रखुमाईच्या प्रतिमेने वेधले लक्ष)