राघव-परिणीतीच्या लग्नाचा शाही थाट! विवाहस्थळ असलेलं 'द लीला पॅलेस' पाहिलंत का? भाडं तब्बल...

बॉलीवूड अभिनेत्री परिणीती चोप्रा आणि आम आदमी पक्षाचे खासदार राघव चड्ढा लवकरच लग्नाच्या बेडीत अडकणार आहेत. २४ सप्टेंबरला राजस्थानमधील उदयपूर येथील 'द लीला पॅलेस'मध्ये परिणीती आणि राघव यांचा शाही लग्नसोहळा संपन्न होणार आहे. तर आता त्यांच्या विवाह स्थळाची सर्वत्र चर्चा रंगली असून त्याचे अनेक फोटो व्हायरल होत आहेत. परिणीती आणि राघव यांनी लग्नासाठी उदयपूरचे सितारा हॉटेल बुक केलं आहे. त्यांच्या लग्नाचे कार्यक्रम लीला पॅलेस आणि उदयविलास हॉटेलमध्ये होणार आहेत. तर त्यांच्या असून पाहुण्यांची राहण्याची सोयाही याच हॉटेलमध्ये केली आहे. 'द लीला पॅलेस' हे जगातील १०० बेस्ट आणि भारतातील टॉप ५ मध्ये येणाऱ्या हॉटेल्सपैकी एक आहे. या हॉटेलला न्यू यॉर्कच्या ट्रॅव्हल मॅग्झिनने २०१९ मध्ये जगातील १०० बेस्ट हॉटेल्सच्या यादीमध्ये स्थान दिलं गेलं आहे. या हॉटेलला चारही बाजूंनी पर्वतरागांनी आणि तलावांनी वेढलेलं आहे. तर या पॅलेसमधून बाहेरचं दृष्यही विलक्षण दिसतं. त्याबरोबरच या हॉटेल मधून ताज पॅलेस, सिटी पॅलेस आणि आरावली हिल्स दिसतात. या हॉटेलच्या प्रत्येक खोलीतून फार मोहक व्ह्यू आहे. या हॉटेलमधील डायनिंग एरियाही खूप अंकेशक आहे. याबरोबरच इथे येणाऱ्या पाहुण्यांना चालण्यासाठी बरीच मोकळी जागा आहे. द लीला पॅलेसमध्ये परिणीती आणि राघवसाठी महाराजा सुट बुक करण्यात आला आहे. ३६०० स्क्वेअर फुटच्या या खोलीला लेकचा व्ह्यू आहे. या आलिशान खोलीचं २४ तासांचं भाडं तब्बल १० लाख आहे. या ठिकाणी लग्न करण्यासाठी राघव आणि परिणीती यांनी कोटींवधींचा खर्च केला आहे.