हॉट वेस्टर्न गाऊनमध्ये करिश्मा तन्नाचा मादक अंदाज; पुरस्कार सोहळ्यातील अभिनेत्रीचा लूक व्हायरल

बॉलिवूड अभिनेत्री करिश्मा तन्ना ही सोशल मीडियावर सक्रिय असते. चित्रपटांबरोबरच ती तिच्या बोल्ड लूकमुळे बऱ्याचदा चर्चेत असते. करिश्मा तन्ना तिच्या प्रत्येक लूकने तिच्या चाहत्यांना प्रभावित करत असते. नुकतीच करिश्मा 'स्कूप' या हंसल मेहता यांच्या वेबसीरिजमध्ये झळकली. ही वेबसीरिज चांगलीच गाजली व प्रेक्षकांनी करिश्माचं तोंडभरून कौतुकही केलं. नुकतंच तिला या सीरिजसाठी उत्कृष्ट अभिनेत्रीचा 'ओटीटी प्ले' पुरस्कार जाहीर झाला. या पुरस्कार सोहळ्याला करिश्माने हजेरी लावली. यासाठी तिने केलेला एक खास वेस्टर्न लुक तिने तिच्या सोशल मीडिया अकाऊंटवर शेअर केला होता. एका ग्रे रंगाच्या वेस्टर्न बोल्ड गाऊनमधील काही मोजके फोटोज करिश्माने तिच्या अकाऊंटवर शेअर केले. या फोटोंमध्ये करिश्मा नेहमीप्रमाणेच कमालीची हॉट आणि बोल्ड दिसत आहे. या सोहळ्यातसुद्धा करिश्माच्या या आऊटफिटवरच कित्येकांच्या नजरा खिळल्या होत्या. सोशल मीडियावर तिचा हा लुक प्रचंड व्हायरल होत आहे. तिच्या चाहत्यांनी या फोटोवर कॉमेंट करत तिच्या हॉटनेसचं आणि फिटनेसचं कौतुक केलं आहे. (फोटो सौजन्य : करिश्मा तन्ना / इंस्टाग्राम पेज)