Photos: 'नवरी मिळे हिटलरला' मालिकेतील वल्लरी विराजचा प्राण्यांशी संबंधित आहे व्यवसाय, जाणून घ्या…

१८ मार्चपासून सुरू झालेल्या ‘नवरी मिळे हिटलरला’ मालिकेला प्रेक्षकांचा चांगला प्रतिसाद मिळत आहे. ‘नवरी मिळे हिटलरला’ मालिकेतील कलाकारांनी अल्पावधीतच प्रेक्षकांची मनं जिंकली आहे. अभिनेता राकेश बापट व अभिनेत्री वल्लरी विराज यांची जोडी प्रेक्षकांना आवडू लागली आहे. राकेशने साकारलेला AJ (अभिराम जहागीरदार) व वल्लरीने साकारलेली लीला आता घराघरात पोहोचली आहेत. ‘नवरी मिळे हिटलरला’ मालिकेची लोकप्रियता दिवसेंदिवस वाढताना दिसत आहे. पण ‘नवरी मिळे हिटलरला’ मालिकेतील वल्लरी विराज अभिनयासह व्यवसाय देखील करते, हे तुम्हाला माहितेय का? वल्लरीचा स्वतःचा एक छोटा व्यवसाय आहे; जो प्राण्यांशी संबंधित आहे. वल्लरीचं पेट ग्रुमिंग सलून आहे. Bath and Barks असं तिच्या सलून नाव आहे. दादरमधील गोखले रोड येथे वल्लरीचं पेट ग्रुमिंग सलून आहे. बरेच मराठी कलाकार आपल्या प्राण्यांचं ग्रुमिंग करण्यासाठी वल्लरीच्या ग्रुमिंग सलूनमध्ये घेऊन जातात. अभिनयाबरोबर वल्लरी हा व्यवसाय उत्तमरित्या सांभाळते. सर्व फोटो सौजन्य - वल्लरी विराज इन्स्टाग्राम आणि Bath and Barks इन्स्टाग्राम