१२ ज्योतिर्लिंगांपैकी एक असलेल्या भीमाशंकर मंदिरात लेक राशासह पोहोचली रवीना टंडन; पाहा PHOTOS

९०व्या काळापासून ते आजपर्यंत अनेक सुपरहिट चित्रपट देत प्रेक्षकांचं मनोरंजन करणारी अभिनेत्री म्हणजेच रवीना टंडन. बद्रीनाथनंतर आता रवीना टंडनने लेक राशाबरोबर भीमाशंकर मंदिराला भेट दिली. रवीना टंडनने तिच्या अधिकृत इंस्टाग्रामवरुन भीमाशंकर मंदिरातील आपल्या मुलीबरोबरचे काही खास फोटोज शेअर केले आहेत. भीमाशंकर मंदिर हे १२ ज्योतिर्लिंगांपैकी एक असून महाराष्ट्रातील पुणे जिल्ह्यात आहे. हे फोटो शेअर करताना अभिनेत्रीने कॅप्शनमध्ये लिहिले आहे, "महादेव महाराज की जय..." रवीना टंडन गेल्या काही दिवसांपासून आपल्या मुलीसोबत तीर्थयात्रा करत आहे. यापूर्वी, अभिनेत्रीने उज्जैनचे महाकाल, काशी विश्वनाथ (वाराणसी, उत्तर प्रदेश), नाशिकचे त्र्यंबकेश्वर या मंदिरांना भेट दिली होती. या माय लेकीने गुजरातचे सोमनाथ मंदिर, बद्रीनाथ (उत्तराखंड) या मंदिरांमध्येदेखील दर्शन घेतले होते. रवीना टंडनचा 'पटना शुक्ला' चित्रपट नुकताच डिज्नी प्लस हॉटस्टारवर प्रदर्शित झाला. रवीनाची 'कर्मा कॉलिंग' ही वेब सीरिजसुद्धा डिज्नी प्लस हॉटस्टार या ओटीटी चॅनलवर सुरू आहे. (All photos- officialraveenatandon/Instagram)