Dharmaveer 2 Movie Release Date Change

बहुचर्चित 'धर्मवीर २' (Dharmaveer 2) या चित्रपटाचं प्रदर्शन आता लांबणीवर पडले आहे. ९ ऑगस्टला 'धर्मवीर २' चित्रपट जगभरात मराठी व हिंदी भाषेत प्रदर्शित होणार होता. मात्र राज्यात होत असलेली अतिवृष्टी, त्यामुळे ओढवलेल्या पूरपरिस्थितीमुळे (Maharashtra Floods) चित्रपटाचे प्रदर्शन पुढे ढकलण्यात आले आहे. 'धर्मवीर २' चित्रपटाचा टीजर, गाणी आणि ट्रेलरला सोशल मीडियातून प्रचंड प्रतिसाद मिळाला आहे. त्यामुळे चित्रपटाविषयी प्रचंड उत्सुकता निर्माण झाली आहे. चित्रपटाचे निर्माते मंगेश देसाई (Mangesh Desai) म्हणाले, की गेल्या काही दिवसांपासून अवघ्या महाराष्ट्रात पूर जन्य परिस्थिती निर्माण झाली आहेत. काही गाव पाण्याखाली गेली असून काही गावांचा संपर्कही तुटला आहे. राज्यात सुरु असलेली ही पूरपरिस्थिती पाहता 'धर्मवीर - २' हा चित्रपट ९ ऑगस्टला प्रदर्शित करणे योग्य वाटत नाही. महाराष्ट्रातील जनतेच्या डोळ्यांत पाणी असताना, त्यांच्यासमोर असलेल्या अडचणी असताना त्याच काळात चित्रपट प्रदर्शित करण्यापेक्षा परिस्थितीचा आढावा घेऊन आम्ही चित्रपटाच्या प्रदर्शनाची तारीख जाहीर करू असे सांगितले. (सर्व फोटो सौजन्य : मंगेश देसाई/इन्स्टाग्राम) (हेही पाहा : सारा अली खानचा भारतातील स्वित्झर्लंडमध्ये मित्र-मैत्रिणींबरोबर सफरनामा; नियॉन 'को-ऑर्ड सेट'ने वेधले लक्ष)