Bigg Boss Marathi Fame Set for TV Comeback with Zee Marathi's 'Kamli'

बिग बॉस मराठी'फेम अभिनेता निखिल दामले लवकरच छोट्या पडद्यावर पुनरागमन करणार आहे. त्याने सोशल मीडियावर पोस्ट केलेल्या फोटोंमध्ये निखिल एका स्टायलिश सूटमध्ये दिसत आहे. त्याचा हा नवा अवतार 'झी मराठी' वरील आगामी मालिका 'कमळी'साठी असल्याचे दिसत आहे. Suit up Rishi…!!!' अशी कॅप्शन त्याने दिले आहे, ज्यामुळे तो 'कमळी' मालिकेत 'ऋषी' नावाचे पात्र साकारणार असल्याचे संकेत मिळत आहेत. 'बिग बॉस'च्या घरात त्याने आपल्या व्यक्तिमत्त्वाने आणि खेळाने प्रेक्षकांची मने जिंकली होती. या रिॲलिटी शोमधून त्याला प्रचंड लोकप्रियता मिळाली. ‘बिग बॉस'मध्ये येण्यापूर्वीही त्याने 'रमा राघव' या कलर्स मराठीवरील मालिकेत मुख्य भूमिका साकारली होती. झी मराठीवरील 'कमळी' ही मालिका लवकरच प्रेक्षकांच्या भेटीला येणार असून, निखिल दामलेच्या चाहत्यांसाठी ही एक आनंदाची बातमी आहे त्याचे चाहते त्याला पुन्हा एकदा नव्या भूमिकेत पाहण्यासाठी आतुरतेने वाट पाहत आहेत. (सर्व फोटो : निखिल दामले/इन्स्टाग्राम)