सातासमुद्रापार अमृताच्या नृत्याविष्काराचा डंका !

फॅशन, अभिनय, नृत्य अश्या विविध पैलू मधून कायम प्रेक्षकांच्या मनावर अधिराज्य गाजवणारी अभिनेत्री म्हणजे अमृता खानविलकर ! (फोटो सौजन्य-अमृता खानविलकर, इन्स्टाग्राम पेज) अमृताच्या अभिनयाचे चाहते फक्त भारतात नाही तर जगभरात आहेत सध्या अमृता जगभरात प्रवास करताना देखील दिसतेय आणि नुकतीच ती USA टूर वर गेली आहे अमृताचं नृत्य कौशल्य अनेक चित्रपटांमधून प्रेक्षकांनी अनुभवलं आहे आणि आजही तिच्या अदाकारी परॉर्मन्सवर चाहते तितकेच खुश होताना बघायला मिळतं आहे. अमृताच्या लावणी पासून क्लासिकल नृत्या पर्यंत अमृता ने कायम सगळ्यांना भारावून सोडलं आहे. सुंदरी हा सदाबहार नृत्यप्रयोग परफॉर्म करण्यासाठी अमृता या खास USA टूर वर आहे विशेष म्हणजे अमृताची देखील ही पहिली USA टूर आहे अमृताने या प्रयोगाबाबत सांगितलं की " पहिल्यांदाच मी आणि आशिष पाटील अमेरिकेत " सुंदरी " सारखा विशेष नृत्यप्रयोग प्रेक्षकांच्या भेटीला घेऊन आलो आहोत. मराठी प्रेक्षक परदेशात सुद्धा तितकच प्रेम देतात हे बघून भारावून असं अमृताने म्हटलं आहे.