'मुरांबा' फेम शशांक केतकरचे वय किती? घ्या जाणून...

अनेक लोकप्रिय कलाकारांमध्ये शशांक केतकरचे नाव घेतले जाते. ‘होणार सून मी या घरची’, ‘पाहिले न मी तुला’, ‘सुखाच्या सरींनी मन हे बावरे’, अशा काही मालिका, चित्रपट आणि वेब सीरिजमध्ये शशांकने सकारात्मक तसेच नकारात्मक भूमिका साकारल्या आहेत. सध्या शशांक ‘मुरांबा’ या मालिकेत प्रमुख भूमिकेत दिसत आहे. यामध्ये त्याने अक्षय ही भूमिका साकारली आहे. रमा-अक्षयची जोडी प्रेक्षकांच्या मनावर दीर्घ काळापासून राज्य करत आहे. अभिनेता त्याच्या भूमिकांमुळे अनेकदा चर्चेत असतो. अभिनेता सोशल मीडियावरदेखील सक्रिय असतो. त्याच्या व्यावसायिक तसेच खासगी आयुष्याबद्दल तो व्यक्त होताना दिसतो. समाजातील अनेक समस्यांवर तो स्पष्ट आणि उघडपणे बोलतो. आता अभिनेत्याने काही दिवसांपूर्वी अभिनेत्याने एक पोस्ट शेअर केली. ही पोस्ट त्याच्या वाढदिवसाच्या सेलिब्रेशनची आहे. ही पोस्ट शेअर करत त्याने लिहिले, "पोस्ट थोडी लेट आहे पण ग्रेट आहे. १५ सप्टेंबरला मी ४० वर्षांचा झालो. मी खरंच सांगतो की इतका समाधानी मी याआधी कधीच नव्हतो." "४० नुसतं म्हणायला, आजूबाजूला ही सगळी माझी माणसं आहेत, त्यामुळे २० वर्षांचा झालोय असंही वाटतं नाही.” पुढे अभिनेत्याने लिहिले, “उद्या अजून कितीही वय वाढलं तरी या सगळ्यांसाठी मला खंबीरपणे उभं राहायचं आहे. जे यांच्या प्रेमामुळे आणि विश्वासामुळे शक्य होईल.” दरम्यान, आगामी काळात अभिनेता कोणत्या भूमिकांतून प्रेक्षकांचे मनोरंजन करणार हे पाहणे महत्वाचे ठरणार आहे. (सर्व फोटो सौजन्य: शशांक केतकर इन्स्टाग्राम)