Photos : 'ऑफ-शोल्डर ब्लाउज, क्लासी दागिने…' गौरी नलावडेचे चाहत्यांना घायाळ करणारे फोटोशूट

मराठी सिनेसृष्टीतील ग्लॅमरस अभिनेत्री गौरी नलावडे हिचे नवे फोटोशूट सध्या चाहत्यांमध्ये चर्चेचा विषय बनले आहे. गौरीने या फोटोशूटसाठी खास पिवळ्या रंगाची साडी निवडली आहे. साडीचा पोत अतिशय मऊ आणि चमकदार असून, त्यावर नक्षीदार कलाकुसर केल्याचे दिसत आहे. पारंपरिक साडीला ऑफ-शोल्डर ब्लाऊजसोबत परिधान करून तिने हटके आणि मॉडर्न टच दिला आहे. साडीवरील तिचा लूक अधिक खास बनवला आहे ते तिने परिधान केलेल्या दागिन्यांनी. गळ्यात तिने पारंपरिक, पण आकर्षक असा 'चोकर' नेकलेस घातला आहे, ज्यात हिरव्या व पांढऱ्या रंगाच्या खड्यांची नक्षी आहे. गळ्यातील दागिन्यांशी जुळणारी मोठी आणि कलाकुसर केलेली कर्णफुले तिने परिधान केली आहेत. एका हातात असलेली सोन्याची नाजूक बांगडी तिच्या सौंदर्यात भर टाकत आहे. या फोटोत गौरी एका दरवाजाच्या चौकटीत उभी राहून पोज देताना दिसत आहे. ती दरवाजाच्या हँडलला धरून कॅमेऱ्याच्या दिशेने पाहतेय. तिची ती नजर चाहत्यांना घायाळ करणारी आहे. गौरीने या लूकमध्ये सटल (Suttle) आणि एलिगंट (Elegant) मेकअप ठेवला आहे. तिच्या डोळ्यांतील दिलखेचक नजर लक्ष वेधून घेणारी आहे. तसेच, वेवी (Wavy) हेअरस्टाईलमुळे तिचा संपूर्ण लूक अधिक स्टायलिश दिसत आहे. 'स्वप्नांच्या पलीकडले' या मालिकेपासून ते 'गोदावरी' या चित्रपटापर्यंत गौरीने तिच्या अभिनयाद्वारे प्रेक्षकांची मने जिंकली आहेत. (सर्व फोटो सौजन्य : गौरी नलावडे/इन्स्टाग्राम)