-
ग्रीन टी हा एक प्रकारचा चहा आहे जो कॅमेलिया सायनेन्सिस वनस्पतीच्या पानांपासून बनवला जातो. त्याची चव दुधाच्या चहापेक्षा अतिशय वेगळी असते.
-
ग्रीन टीचे सेवन केल्याने मेटाबॉलिजम सुधारते आणि लठ्ठपणावर नियंत्रण मिळवता येते. याचे नियमितपणे सेवन केल्यास रोगप्रतिकरक शक्तीही वाढते त्याचबरोबर यामुळे ताण कमी होतो आणि त्वचाही निरोगी राहते.
-
असे म्हणतात की कॅन्सरसारख्या रोगांपासून स्वतःचा बचाव करण्यासाठी ग्रीन टीचे सेवन करणे फायदेशीर ठरते.
-
ग्रीन टीचे सेवन केल्याने रक्तातील साखरेचे प्रमाण नियंत्रणात राहत असल्याने मधुमेहाचे रुग्णही याचे सेवन करू शकतात. यामुळे अनेक शारीरिक समस्या दूर होतात, त्याचबरोबर त्वचेच्या समस्यांपासूनही आराम मिळण्यास मदत होते.
-
एका संशोधनातून समोर आलेल्या माहितीनुसार ग्रीन टीचे नियमित सेवन केल्याने ताण कमी होतो आणि मेंदूच्या कार्यप्रणालीमध्ये सुधार होतो. त्याचप्रमाणे याचे सेवन केल्याने एकाग्रताही वाढण्यास मदत होते.
-
कोलेस्ट्रॉलवर नियंत्रण मिळवण्यासाठी आणि हृदयाचे विकार दूर ठेवण्यासाठी ग्रीन टीचे सेवन फायदेशीर ठरते. ज्या लोकांना रक्तदाबाची समस्या आहे तेही याचे सेवन करू शकतात.
-
ग्रीन टीचे सेवन आपल्या आरोग्यासाठी अनेकप्रकारे फायदेशीर ठरते. मात्र यांचे अतिसेवन करणेही नुकसानदायक ठरू शकते. होमिओपॅथी डॉ.मनदीप दहिया यांच्या मते, ग्रीन टीच्या अतिसेवनाने काही आजारही वाढू शकतात.
-
तज्ज्ञांच्या म्हणण्यानुसार, अनेक आजारांवर रामबाण औषध मानली जाणाऱ्या ग्रीन टीचे अनेक दुष्परिणामही आहेत. आज आपण ग्रीन टीचे शरीरावर होणारे दुष्परिणाम जाणून घेऊया.
-
ग्रीन टी हे कोणतेही औषध नाही जे प्रत्येक आजारावर प्रभावी ठरू शकेल. ज्या लोकांना डोकेदुखीचा त्रास आहे त्यांनी ग्रीन टीचे अजिबात सेवन करू नये. दिवसभरात २ ते ३ कप ग्रीन टीचे सेवन केल्यास डोकेदुखीची समस्या वाढू शकते.
-
ग्रीन टीमध्ये असलेले कॅफीन मायग्रेनची समस्या वाढवू शकते. पूर्ण दिवसात केवळ एक कप ग्रीन टीचे सेवन करणे पर्याप्त आहे. अन्यथा याच्या अतिसेवनाने फायद्याच्या जागी नुकसान होण्याची शक्यता अधिक आहे.
-
काही लोक वजन कमी करण्याच्या नादात दिवसातून तीन ते चार कप ग्रीन टीचे सेवन करतात. मात्र असे केल्याने शरीरात लोहाची कमतरता जाणवू लागते. यामुळे एनिमियाची समस्या उद्भवू शकते.
-
ग्रीन टीचे जास्त सेवन केल्यास घशात खवखव आणि आंबटपणा जाणवू शकतो. इतकेच नाही तर, वजन वेगाने कमी करण्यासाठी ग्रीन टीचे सेवन वाढवल्यास विष्ठेतून रक्त येऊ लागते. (Freepik)
काय नाचली राव ही…! भरपावसात ‘वादळ वारा सुटला गं’ गाण्यावर तरूणीने केला डान्स; VIDEO पाहून कराल कौतुक
