खोकला झाल्यावर लहान मुलांना Cough Syrup देताय? 'या' केमिकलमुळे ओढवू शकते हानिकारक परिस्थिती | Giving Cough Syrup to children after coughing? This chemical can cause harmful conditions

जसजसे हवामान बदलते तसतसे मुलाचे आरोग्य बिघडू लागते. काही वेळा खोकला आणि सर्दी होणे सामान्य आहे. थंडीमुळे मुलांच्या घशाजवळ कफ तयार होऊ लागते. यावर उपाय म्हणून पालक अनेकदा मुलांना खोकल्याचे औषध देतात. अनेकदा मुलाला सर्दी-खोकला होताच कफ सिरप दिले जाते. तुम्हीही असे काही करत असाल तर या गोष्टींची विशेष काळजी घ्या. जेव्हा तुम्ही लहान मुलाला कफ सिरप देता तेव्हा त्या सिरपच्या पुढे D हा शब्द लिहलेला नाही याची काळजी घ्या. डॉक्टरांच्या मते, 'डी' म्हणजे डेक्स्ट्रोमेथोर्फन. डेक्स्ट्रोमेथोर्फन हे खोकला शमन करणारे द्रव्य आहे. अशा प्रकारचे कफ सिरप 5 वर्षांपेक्षा लहान मुलाला दिले जाऊ शकत नाही. कफ मुलाच्या छातीत अडकणार नाही अशा प्रकारचे कफ सिरप मुलांना द्यावे, अन्यथा खोकला वाढून मुलांना न्यूमोनियाचा धोका वाढू शकतो. पाच वर्षांपेक्षा कमी वयाच्या मुलांना टर्ब्युटालिन किंवा लेवोसाल्बुटामोल कॉम्बिनेशन कफ सिरप द्यावे. हे ब्रॉन्कोडायलेटर आहे जे मुलांचे श्वसनमार्गास साफ करते. असे औषध प्यायल्याने मुलांना आराम मिळतो आणि श्वास घेण्यास त्रास होत नाही. अशा कफ सिरपमध्ये ॲम्ब्रोक्सॉल असते, जे म्युकोलिटिक लाइट आहे. ही दोन्ही औषधे मुलाच्या आत जमा झालेला कफ मलमार्गाद्वारे बाहेर काढतात. मुलाला ताप नसेल तरच खोकल्याचे औषध द्यावे. ३-४ दिवस औषध देऊनही खोकला जात नसेल तर डॉक्टरांचा सल्ला घ्या. (All Photos: Freepik)