Photos: बॉटलच्या झाकणाचा रंग सांगतो पाण्याची चव; कंपनीने काय मिसळलंय 'हे' असे ओळखा

Water Bottle Cap Colour Meaning: पाण्याच्या बाटल्यांची झाकणे वेगवेगळ्या रंगांची असतात. वेगवेगळ्या कंपन्यांच्या पाण्याच्या बाटलीचे झाकण वेगवेगळ्या रंगाचे असते. बऱ्याचदा आपल्याला वाटते की, प्रत्येक कंपनीने आपापला आवडता रंग निवडला असावा. परंतु, हे खरे कारण नाही. पाण्याच्या बाटल्यांच्या झाकणांच्या रंगामागे काही अर्थ लपलेले आहेत. बाटलीच्या झाकणाचा रंग पांढरा असेल तर ते प्रक्रिया केलेले पाणी आहे. म्हणजेच ते प्रोसेस्ड वॉटर आहे, असा त्याचा अर्थ होतो. बाटलीला काळ्या रंगाचे झाकण लावलेले असेल तर त्या बाटलीतले पाणी हे अल्कलाइन आहे. बाटलीचे झाकण निळ्या रंगाचे असेल तर त्याचा अर्थ होतो की त्या बाटलीतले पाणी हे झऱ्यातले असून ते शुद्ध केले आहे. बाटलीचे झाकण हिरव्या रंगाचे असेल तर याचा अर्थ त्या पाण्यात फ्लेवर मिसळून ते शुद्ध केले आहे. त्यामुळे पुढच्या वेळी पाण्याची बाटली खरेदी करताना बाटलीच्या झाकणाचा रंग एकदा पाहा. (हेही पाहा : वयानुसार कुणी किती प्रमाणात कफ सिरप प्यायल्याने खोकला बरा होतो?)