Mumbai Metro 3 Aarey JVLR Station Bandra Kurla Complex

कुलाबा-वांद्रे-सीप्झ या मेट्रो ३ (Colaba-Bandra-SEEPZ Metro Line 3) मार्गिकेतील आरे ते बीकेसी टप्प्याचे लोकार्पण शनिवारी (०५ ऑक्टोबर २०२४) पंतप्रधान नरेंद्र मोदी (Narendra Modi) यांच्या हस्ते पार पडले. आजपासून हा टप्पा (Aarey JVLR Station And Bandra Kurla Complex Station) प्रवाशांसाठी खुला करण्यात आला. आज सकाळी ११ वाजता बीकेसी मेट्रो स्थानक आणि आरे जेव्हीएलआर मेट्रो स्थानकावरून पहिली भुयारी मेट्रो गाडी (Metro Train) सुटली. मुंबईकरांचे (Mumbaikars) भुयारी मेट्रो (Underground Metro) प्रवासाचे स्वप्न आता प्रत्यक्षात उतरले आहे. मुंबईकरांचा भुयारी मेट्रोचा प्रवास सुकर व्हावा यासाठी मुंबई मेट्रो रेल कॉर्पोरेशनने (एमएमआरसीएल) मेट्रो कनेक्ट ३ (Metro Connect 3) अॅप कार्यान्वित केले आहे. या अॅपद्वारे प्रवाशांना आरे ते बीकेसी दरम्यानच्या सर्व स्थानकांची, स्थानकातील सोयीसुविधांची आणि इतर सर्व प्रकारची माहिती उपलब्ध करून देण्यात आली आहे. हे अॅप इंग्रजी, मराठी आणि हिंदी अशा भाषांमध्ये उपलब्ध आहे. जवळचे मेट्रो स्थानक कोणते आहे, तिकीट दर किती, गाड्यांचे वेळापत्रक यांसह अन्य सर्व प्रकारची माहिती या अॅपद्वारे उपलब्ध करून देण्यात आली आहे. त्याचबरोबर प्रवाशांच्या तक्रारी या माध्यमातून जाणून घेतल्या जाणार आहेत. या तक्रारींचे निवारणही अॅपद्वारे केले जाणार आहे. मेट्रो स्थानकावर उतरल्यानंतर इच्छित स्थळी जाण्यासाठी बस, टॅक्सी, रिक्षाचा पर्याय उपलब्ध आहे का, याचीही माहिती या अॅपद्वारे प्रवाशांना मिळणार आहे. याबरोबरच ‘एमएमआरसीएल’ने क्यूआर कोड स्कॅनिंग तिकीट, ई तिकीट सेवेसह ईव्हीएम मशीनची सुविधाही उपलब्ध करून दिली आहे. (सर्व फोटो - अमित चक्रवर्ती, इंडियन एक्सप्रेस)