PM Modi Lands In Canada For G7 Summit Why This Visit Is Important

Significance of Narendra Modi Canada Trip: सायप्रसचा दोन दिवसांचा दौरा संपवून पंतप्रधान नरेंद्र मोदी आज कॅनडाला पोहोचले आहेत. अल्बर्टातील कनानास्किस येथे होणाऱ्या ५१व्या ‘जी-७’ शिखर परिषदेत ते सहभागी होणार आहेत. तीन देशांच्या दौऱ्यावर असलेले पंतप्रधान मोदी यांना कॅनडाचे पंतप्रधान मार्क कार्नी यांनी निमंत्रण दिले असल्याने सायप्रसहून ते कॅनडाला पोहोचले. १७ आणि १८ जूनला ‘जी-७’ शिखर परिषद होणार असून सलग सहाव्यांदा मोदी त्यात सहभागी होत आहेत. दरम्यान यावेळी विमानतळावर उतरल्यानंतर पंतप्रधान मोदींचे स्वागत करण्यात आले. दरम्यान, २०२३ मध्ये खलिस्तानी फुटीरतावादी हरदीपसिंग निज्जरच्या हत्येनंतर दोन्ही देशांमधील राजनैतिक संबंध बिघडले आहेत. त्यानंतरची ही पंतप्रधान मोदींची पहिली कॅनडा भेट असल्याने या भेटीकडे जगाचे लक्ष लागले आहे. पंतप्रधान मोदींना २०१९ पासून सातत्याने G7 बैठकीसाठी आमंत्रित केले जाते. (सर्व फोटो साभार- एएनआय) हेही पाहा- Cyprus Population and Area: पंतप्रधान नरेंद्र मोदी दौऱ्यावर असलेला ‘सायप्रस’ हा देश कुठे आहे? त्याची लोकसंख्या आणि क्षेत्रफळ किती?