IND vs ENG: परदेशात सर्वाधिक वेळेस ५ गडी बाद करणारे भारतीय गोलंदाज

भारताचा वेगवान गोलंदाज जसप्रीत बुमराहने पहिल्या कसोटीत गोलंदाजी करताना ५ गडी बाद केले आहेत. यासह त्याने परदेशात गोलंदाजी करताना १२ वेळेस एकाच डावात ५ गडी बाद करण्याचा कारनामा केला आहे. या रेकॉर्डमध्ये त्याने कपिल देव यांच्या रेकॉर्डची बरोबरी केली आहे. दरम्यान कोण आहेत परदेशात सर्वाधिक वेळेस ५ गडी बाद करणारे गोलंदाज? जाणून घ्या. कपिल देव यांच्या नावे कसोटी क्रिकेटमध्ये परदेशात खेळताना १२ वेळेस ५ गडी बाद करण्याची नोंद आहे. भारताचे माजी फिरकी गोलंदाज अनिल कुंबळे यांनी कसोटी क्रिकेटमध्ये परदेशात गोलंदाजी करताना १० वेळेस ५ गडी बाद करण्याचा कारनामा केला आहे. ईशांत शर्माच्या नावे कसोटी क्रिकेटमध्ये परदेशात गोलंदाजी करताना ९ वेळेस ५ गडी बाद करण्याचा रेकॉर्ड आहे. जहीर खानने ८ वेळेस परदेशात गोलंदाजी करताना ५ गडी बाद करण्याचा कारनामा केला आहे. भारताचा माजी गोलंदाज आर अश्विनने देखील ८ वेळेस ५ गडी बाद करण्याचा कारनामा केला आहे.