mahashivratri celebration in all over pune shivlinga mahadev mandir in pune - vsk 98 | PHOTOS: कुठे ५१ किलो चक्क्याची पिंड, कुठे भाविकांची गर्दी! भक्तीमय वातावरणात पुण्यात महाशिवरात्री साजरी

हिंदू धर्मात महाशिवरात्रीला विशेष महत्त्व आहे. भगवान शंकराची पूजा करणाऱ्यांसाठी महाशिवरात्री हा दिवस खास असतो.या सणानिमित्त सकाळपासून भाविकांच्या रांगा मंदिराबाहेर लागल्याचं पाहायला मिळत आहे. करोना काळात बंद असलेली मंदिरं यंदाच्या महाशिवरात्रीला भाविकांसाठी खुली करण्यात आहे.त्यामुळे भाविकांमध्ये उत्साहाचं वातावरण आहे. मंदिरांना आकर्षक विद्युत रोषणाई आणि फुलांची सजावट करण्यात आलेली आहे.भाविकांकडून शिवमंदिरात शिवलिंगावर बेलपत्र आणि दूध-पाण्याचा अभिषेक केला जातो. या निमित्ताने ठिकठिकाणी विविध धार्मिक व सांस्कृतिक कार्यक्रमांचे आयोजन करण्यात आले आहे.पुण्यातल्या जंगली महाराज रस्ता परिसरातील पाताळेश्वर मंदिरातही भाविकांनी दर्शनासाठी गर्दी केली होती. हे फोटो घेतलेत अरुल होरायझन यांनी.पुण्यातील बुधवार पेठेतील कै. श्रीमती लक्ष्मीबाई दगडूशेठ हलवाई दत्त मंदिरात महाशिवरात्रीनिमित्त ५१ किलो चक्का वापरून पिंड साकारण्यात आली आहे. ही पिंड तयार करण्यास ३ तास लागले आहेत.यामध्ये द्राक्ष, सुकामेवा, फळ, बेल, फुले हे साहित्य वापरुन आकर्षक सजावट करण्यात आली आहे. ही पिंड पाहण्यास भाविकांनी एकच गर्दी केली आहे.उपमुख्यमंत्री अजित पवार यांच्या पत्नी सुनेत्रा पवार याही महादेवाच्या दर्शनासाठी आल्या होत्या.त्यांनीही अशाच प्रकारे एक छोटी पिंड चक्क्यापासून तयार केली.