Photos : अंबानी कुटुंबात पार पडला शाही विवाहसोहळा, टीना अंबानींनी शेअर केले फोटो; बच्चन कुटुंबाने आवर्जून लावली हजेरी

प्रसिद्ध उद्योगपती अनिल अंबानी आणि टीना अंबानी यांचा मुलगा जय अनमोल अंबानीचा २० फेब्रुवारी रोजी विवाह सोहळा पार पडला.अनमोलने क्रिशा शाहसोबत लग्नगाठ बांधली.या लग्नात बॉलिवूड चित्रपटसृष्टीपासून राजकीय क्षेत्रातील अनेक मोठ्या लोकांनी हजेरी लावली.टीना अंबानी यांनी लग्नचे फोटो सोशल मीडियावर शेअर केले आहेत.अनमोलने लग्नात राखाडी रंगाची शेरवानी परिधान केली होती. अनिल अंबानी यांच्या मुंबईतील पाली हिल इथल्या परिसरातील आलिशान घरात हा लग्नसोहळा पार पडला.लाल रंगाच्या भरजरी लेहेंग्यात क्रिशा खूपच सुंदर दिसत होती.लग्नाचे ठिकाण अतिशय सुंदर पद्धतीने सजवण्यात आले होते.या लग्नात ईशा अंबानीने बेबी पिंक कलरचा लेहेंगा परिधान केला होता.राजेशाही पद्धतीने अनमोल आणि क्रिशाचा विवाहसोहळा पार पडला.देशभरातून अनमोल आणि क्रिशावर शुभेच्छांचा वर्षाव होत आहे. मुंबईत राहणारी क्रिशा ही सामाजिक कार्यकर्ती आणि एक उद्योजिका आहे.Dysco या सोशल नेटवर्किंग कंपनीची क्रिशा संस्थापक आहे. क्रिशा ही युकेमधील अक्सेंचर या कंपनीत काम करत होती. मात्र भारतात परतल्यानंतर तिने स्वत:ची कंपनी स्थापन केली.क्रिशाने कॅलिफोर्निया विद्यापिठातून पदवीचं शिक्षण पूर्ण केलं. लंडन स्कूल ऑफ इकोनॉमिक्समधून क्रिशाने पदव्युत्तर शिक्षण घेतलं आहे.या लग्नाचे फोटो सोशल मीडियावर चर्चेत आहेत.(सर्व फोटो सौजन्य : टीना अंबानी / इन्स्टाग्राम)