सोनी एन्टरटेन्मेंट टेलिव्हिजनवर 'चक्रवर्ती सम्राट पृथ्वीराज चौहान' ही नवी ऐतिहासिक मालिका येत आहे. या मालिकेत पृथ्वीराज चौहान यांचा युवा राजकुमार ते महान योद्धा राजा होण्याचा प्रवास दाखवला आहे. ज्येष्ठ अभिनेत्री पद्मिनी कोल्हापुरे राजमातेच्या भूमिकेत दिसणार आहेत. ११ वर्षांनंतर टेलिव्हिजनवर पुनरागमन करताना पद्मिनी कोल्हापुरे या भूमिकेला विशेष मानतात. ही मालिका १९ मे पासून सोमवार ते शुक्रवार संध्याकाळी साडेसात वाजता प्रसारित होईल.

कान्स फिल्म फेस्टिव्हलची सध्या सर्वत्र चर्चा आहे. १३ मे २०२५ रोजी सुरू झालेला हा महोत्सव २४ मे २०२५ रोजी संपेल. यंदाच्या ७८ व्या फिल्म फेस्टिव्हलमध्ये अनेक भारतीय कलाकारांनी हजेरी लावली आहे. अभिनेत्री अदिती राव हैदरीने लाल साडी आणि पारंपरिक लूकमध्ये रेड कार्पेटवर एन्ट्री घेतली. तिच्या या लूकची सर्वत्र चर्चा होत आहे. अदितीने २०२२ साली पहिल्यांदा कान्समध्ये पदार्पण केले होते.

मल्याळम सिनेसृष्टीतील ड्रग्जच्या वापराबद्दल अभिनेत्री आणि निर्मात्या सँड्रा थॉमस यांनी गंभीर आरोप केले आहेत. त्यांनी सांगितले की, चित्रपटांच्या बजेटमधून ड्रग्जसाठी विशेष बजेट ठरवलं जातं आणि सेटवर यासाठी स्वतंत्र खोल्याही बनवल्या जातात. संबंधित संघटनांनी याविरुद्ध पावले उचलली नाहीत, असेही त्यांनी म्हटले. पुरुष असो वा महिला, प्रत्येकजण ड्रग्जचं सेवन करतो. निर्माते कलाकारांविरुद्ध तक्रार करण्यास घाबरतात, कारण यामुळे चित्रपट थांबण्याची भीती असते.

एलॉन मस्क यांच्या टेस्ला कंपनीच्या वाहनविक्रीला युरोपमध्ये मोठा फटका बसला आहे. मस्क यांची ट्रम्प यांच्याशी जवळीक वाढल्यामुळे डेन्मार्कमधील त्शेर्निंग आणि युरोपमधील रॉसमन कंपन्यांनी त्यांच्या ताफ्यातील टेस्ला वाहने परत दिली आहेत. मस्क यांच्या राजकीय सक्रियतेमुळे टेस्लाची विक्री कमी झाली असून ब्रँड इमेजला धक्का बसला आहे.

गूळ खाणे आरोग्यासाठी खूप फायदेशीर आहे, हे सर्वांनाच माहीत आहे. आयुर्वेदातही गुळाच्या आरोग्यदायी फायद्यांविषयी सांगण्यात आले आहे. त्यामुळे लोक वेगवेगळ्या प्रकारे त्याचा आहारात समावेश करतात. पण अनेकजण सकाळच्या चहापासून रात्रीच्या जेवणापर्यंत अनेक प्रकारे साखरेचे सेवन करतात. पण तुम्हाला माहीत आहे का की, साखरेऐवजी गुळाचे सेवन करणे आरोग्यासाठी कितपत फायदेशीर आहे? याच विषयावर दी इंडियन एक्स्प्रेसने काही आरोग्यतज्ज्ञांकडून माहिती जाणून घेतली आहे.

'मिशन इम्पॉसिबल' चित्रपट मालिकेचा आठवा आणि शेवटचा भाग 'मिशन इम्पॉसिबल द फायनल रेकनिंग' १७ मे रोजी भारतात प्रदर्शित झाला. यानिमित्त टॉम क्रूजच्या इथन हंट पात्राला 'अमूल'ने अनोखी मानवंदना दिली आहे. 'अमूल'ने क्रूजचे कार्टून स्केच शेअर केले आहे, ज्यात तो एका हाताने हेलिकॉप्टरचे हँडल आणि दुसऱ्या हातात बटर टोस्ट पकडलेला दाखवला आहे. या स्केचसह त्यांनी 'अशक्य चवदार' असं कॅप्शनही शेअर केलं आहे.

ओलाच्या आर्टिफिशिअल इंटिलिजन्स विभागात काम करणाऱ्या २४ वर्षीय निखिल सोमवंशीने आत्महत्या केली. आत्महत्येपूर्वी त्याने मित्राला अपघातात मृत्यू झाल्याचे सांगण्यास सांगितले होते. निखिलचा मृतदेह आग्रा लेक येथे सापडला. रेडिटवरील एका पोस्टनुसार, नोकरीतील वाईट वातावरण आणि कामाचा दबाव यामुळे त्याने आत्महत्या केली असावी. पोलिसांनी अनैसर्गिक मृत्यूची नोंद केली असून अधिक चौकशी सुरू आहे.

कर्नाटकातील बंगळुरुच्या चंदापुरा भागातील स्टेट बँकेच्या शाखेतील व्हिडिओ व्हायरल झाला आहे. एसबीआयच्या ब्रांच मॅनेजर आणि ग्राहक यांच्यात कानडी आणि हिंदी भाषेवरून वाद झाला. या वादामुळे कर्नाटकात भाषिक अस्मितेचा मुद्दा पुन्हा उफाळला आहे. ग्राहकाने हा व्हिडिओ सोशल मीडियावर पोस्ट केला असून, कर्नाटक रक्षणा वेदिकेने निषेध मोर्चा काढला आहे. मुख्यमंत्री सिद्धरामय्या यांनीही या घटनेची निंदा केली आहे.

आयपीएल २०२५ संपल्यानंतर टीम इंडिया पाच कसोटी सामन्यांच्या मालिकेसाठी इंग्लंड दौऱ्यावर जाणार आहे. या दौऱ्यात भारतीय संघ नवीन जागतिक कसोटी अजिंक्यपद स्पर्धेची सुरुवात करेल. विराट कोहली आणि रोहित शर्माच्या निवृत्तीनंतर नव्या कर्णधाराच्या नेतृत्त्वाखाली टीम इंडिया खेळणार आहे. जसप्रीत बुमराहने शर्यतीतून माघार घेतल्याने शुबमन गिल आणि ऋषभ पंत कर्णधारपदासाठी आघाडीवर आहेत. २४ मे रोजी संघाची घोषणा होण्याची शक्यता आहे.

यवतमाळ येथे एका गंभीर गुन्ह्यात मुख्याध्यापिका पत्नीने आपल्या शिक्षक पतीचा खून केला. १५ मे रोजी चौसाळा जंगलात जळालेल्या अवस्थेत मृतदेह आढळला. तपासानंतर पोलिसांनी मृताची ओळख पटवून पत्नीला अटक केली. पतीच्या दारूच्या व्यसनाला कंटाळून खून केला असल्याची कबुली पत्नीने पोलिसांकडे दिली.

'कान्स २०२५' मध्ये बॉलीवूड अभिनेत्री उर्वशी रौतेला रेड कार्पेटवर काळ्या सिल्क गाऊनमध्ये दिसली. तिचा ड्रेस काखेत उसवला होता, ज्यामुळे नेटकऱ्यांनी तिच्यावर टीका केली. याबद्दल उर्वशीने खुलासा केला आहे की, वृद्ध महिलेला वाचवताना तिच्याबरोबर झालेल्या प्रसंगात तिचा ड्रेस काखेत उसवला. तसंच यावरून तिने ट्रोल करणाऱ्यांना उत्तर देत सौंदर्य कपड्यांमध्ये नसून निर्णयांमध्ये असतं असं म्हटलं. दरम्यान, उर्वशी लवकरच 'वेलकम टू द जंगल' चित्रपटात दिसणार आहे.

राष्ट्रीय दहशतवादविरोधी दिन माजी पंतप्रधान दिवंगत राजीव गांधी यांच्या पुण्यतिथीच्या दिवशी पाळला जातो. २१ मे १९९१ रोजी त्यांच्या मृत्यूनंतर माजी पंतप्रधान व्ही. पी. सिंह यांच्या कार्यकाळात याची सुरुवात झाली. या दिवशी दहशतवाद व हिंसेविरुद्ध शपथ घेणे, चर्चासत्रे, संवाद, सेमिनार आयोजित केले जातात. एकतेचे तत्त्व अधोरेखित करून शांतता व सुसंवादावर भर दिला जातो. दहशतवादाविरोधातील लढ्यात मानवी हक्क व कायद्याची तत्त्वे शाबूत ठेवण्याची गरज अधोरेखित केली जाते.

'हेरा फेरी ३' चित्रपट चर्चेत आहे कारण परेश रावल यांनी बाबू भैय्या ही भूमिका साकारण्यास नकार दिला आहे. अक्षय कुमारने त्यांना पूर्वकल्पना न देता चित्रपटातून बाहेर पडल्याने २५ कोटींची नोटीस पाठवली आहे. दिग्दर्शक प्रियदर्शन आणि सुनील शेट्टी यांनी यावर प्रतिक्रिया दिली आहे. परेश रावल यांच्या निर्णयामुळे चित्रपटाच्या चाहत्यांनी नाराजी व्यक्त केली आहे.

अभिनेत्री शिवानी रांगोळे आणि अभिनेता हृषिकेश शेलार यांच्या मुख्य भूमिका असलेली 'तुला शिकवीन चांगलाच धडा' ही मालिका दोन वर्षांपासून प्रेक्षकांचं मनोरंजन करीत आहे. शिवानीने साकारलेली अक्षरा ही भूमिका प्रेक्षकांना आवडली आहे. मात्र, ही मालिका लवकरच संपणार आहे. शिवानीने 'लोकमत फिल्मी'ला दिलेल्या मुलाखतीत आंब्याची आमटी बनवण्याचा अनुभव सांगितला. ती म्हणाली लग्नानंतर नवीन सूनेसारकं आजेसासुबाईंसाठी अंब्याची आमटी बनवली होती.

अभिनेत्री अर्चना पूरन सिंहने अलीकडेच स्वत:चं यूट्यूब चॅनेल सुरू केलं आहे. ती तिचे पती परमित सेठी आणि दोन मुलांसह मुंबईतील खाण्याच्या ठिकाणांचे व्हिडीओ शेअर करते. एका चाहत्याच्या कमेंटला उत्तर देताना अर्चनाने सांगितलं की, त्यांच्यात भांडणं होत नाहीत, ते संवाद साधून समस्यांचे निराकरण करतात. अर्चना आणि परमितने १९९२ मध्ये लग्न केलं होतं आणि आता त्यांच्या लग्नाला ३३ वर्षं झाली आहेत.

गेल्या काही वर्षांत बेरोजगारीचं प्रमाण वाढलं असून, शिक्षण असूनही तरुणांना कमी पगारात काम करावं लागतंय. रेडिटवर एका वापरकर्त्याने आपला अनुभव शेअर केला आहे. त्याने फिलॉसॉफीमध्ये पदवी आणि पदव्युत्तर शिक्षण घेतलं असून, ८५ लाखांचं कर्ज काढलं. मात्र, चांगली नोकरी न मिळाल्याने तो मॅकडोनाल्डमध्ये काम करतोय. त्याला तांत्रिक कौशल्यांची गरज असल्याचं कळलं नाही, त्यामुळे तो निराश आहे.

अभिनेते अशोक समर्थ यांनी 'सिंघम' चित्रपटामुळे प्रसिद्धी मिळवली. त्यांनी अनेक चित्रपटांमध्ये खलनायकाच्या भूमिका साकारल्या आहेत. नुकत्याच दिलेल्या मुलाखतीत त्यांनी व त्यांच्या पत्नी शीतल फाटकने त्यांच्या लव्हस्टोरीबद्दल सांगितलं. ते 'ट्रॅफिक जाम' चित्रपटाच्या निमित्ताने भेटले आणि यानंतर त्यांच्यात घट्ट मैत्री झाली. त्यांनी २१ फेब्रुवारी २०१९ रोजी वाई येथे लग्न केलं.

परेश रावल यांनी 'हेरा फेरी ३' चित्रपटातून बाहेर पडण्याचा निर्णय घेतला आहे. त्यांनी बाबू भैय्याची भूमिका साकारण्यास नकार दिला आहे. यामुळे सोशल मीडियावर चर्चा सुरू आहे. परेश रावल आणि दिग्दर्शक प्रियदर्शन यांच्यात वैचारिक मतभेद असल्याच्या अफवा होत्या, परंतु परेश यांनी हे नाकारले आहे. अक्षय कुमारने परेश यांना २५ कोटी रुपयांची नोटीस पाठवली आहे. प्रियदर्शन यांनी परेशच्या निर्णयाबद्दल आश्चर्य व्यक्त केले आहे.

कर्नाटकच्या बेळगावमध्ये २७ वर्षीय रेणुकाची हत्या तिच्या नवऱ्याने आणि सासरच्या मंडळींनी केली. रेणुका आई होऊ शकत नसल्यामुळे तिला ठार मारण्यात आलं. तिचा मृतदेह बाईकला बांधून फरपटत नेला आणि अपघाती मृत्यू भासवला. पोलिसांनी तपास करून नवरा संतोष, सासू जयश्री आणि सासरे कामण्णा यांना अटक केली. संतोषने दुसऱ्या महिलेशी लग्न केलं होतं, जी गरोदर आहे.

NABARD Specialist Officers Recruitment 2025 : सरकारी नोकरीच्या शोधात असलेल्या उमेदवारांसाठी नाबार्डमध्ये नोकरीची संधी चालून आली आहे. नाबार्ड म्हणजे नॅशनल बँक फॉर ॲग्रिकल्चर अँड रुरल डेव्हलपमेंटने या भरती प्रक्रियेबाबत अधिसूचना जारी केली आहे. ज्याद्वारे नाबार्डमध्ये ६ स्पेशलिस्ट ऑफिसर पदे भरली जातील. पात्र आणि इच्छुक उमेदवार अधिकृत वेबसाइट http://www.nabard.org वर जाऊन ऑनलाइन अर्ज करू शकतात. या पदांसाठी ऑनलाइन अर्ज प्रक्रिया १६ मे २०२५ पासून सुरू होऊन १ जून २०२५ पर्यंत उमेदवार अर्ज करू शकतात.

घाटकोपरच्या रमाबाई कॉलनीत रविवारी सायंकाळी ४ वाजता एका चिमुकलीचा जीव वाचवताना शहजाद शेख (२७) या तरुणाचा मृत्यू झाला. सोनाली बंजारा नावाची मुलगी नाल्यात पडल्यावर शेख आणि संदीप सुतार (३७) तिला वाचवायला गेले. सुतार बाहेर आला, पण शेखचा पाय अडकून तो बुडाला. शेखला रुग्णालयात मृत घोषित करण्यात आलं. त्याच्या पश्चात पत्नी आणि चार मुले आहेत.

भारतीय राजकारणात मंदिरांची उभारणी करणं हा केवळ श्रद्धेचा विषय राहिलेला नाही, तर तो राजकीय रणनीतिचा भाग ठरला आहे. इटाव्यातील यादव कुटुंबाच्या बालेकिल्ल्यात पूर्वी ‘लायन सफारी’ची गर्जना होती. तिथे आता मात्र महादेव शिवाच्या आरतीच्या गजराची तयारी सुरू आहे. समाजवादी पक्षाचे प्रमुख अखिलेश यादव यांच्यावर हिंदुत्वविरोधी असल्याचा ठपका ठेवला जातो. हा ठपका पुसण्यासाठी त्यांच्या स्वतःच्याच गावी केदारेश्वर महादेव मंदिराची उभारणी करून त्यांनी राजकारणाचे नवे समीकरण मांडत असल्याचे संकेत दिले आहेत. 

पाकिस्तानसाठी हेरगिरी करणाऱ्या ज्योती मल्होत्राला अटक करण्यात आली असून तिची कसून चौकशी सुरू आहे. पोलिसांना तिची डायरी मिळाली असून त्यात पाकिस्तानबाबतचे उल्लेख आहेत. ज्योतीने पाकिस्तानला संवेदनशील माहिती पुरवल्याचा आरोप आहे. ती पाकिस्तान आणि चीनला अनेकदा गेली होती. तिच्या लॅपटॉप आणि फोनची फॉरेन्सिक तपासणी सुरू आहे. ज्योतीच्या सोशल मीडियाचीही तपासणी केली जात आहे.

झी मराठीवरील ‘चला हवा येऊ द्या’ शोमधून अंकुर वाढवेने लोकप्रियता मिळवली. अंकुरने पत्नीच्या वाढदिवसानिमित्त अवयवदान आणि देहदानाचा निर्णय घेतला आहे. याबद्दल त्याने सोशल मीडियावर पोस्ट शेअर करत माहिती शेअर केली आहे. त्याने जे.जे. हॉस्पिटलबाहेरील पत्नीबरोबरचा फोटो शेअर केला आहे. अंकुरची ही पोस्ट व्हायरल झाली असून, अनेकांनी त्याच्या या निर्णयाचे कौतुक केले आहे. तो सध्या रंगभूमीवर 'अंजू उडाली भुर्रर्रर्र' या बालनाट्यातून प्रेक्षकांच्या भेटीस येत आहे.

कन्नड अभिनेत्री रान्या रावला ४ मार्च रोजी बंगळुरू विमानतळावर १४.८ किलो सोन्याची तस्करी केल्याच्या आरोपावरून अटक करण्यात आली होती. मंगळवारी (२० मे) तिला सशर्त जामीन मंजूर झाला. न्यायालयाने जामीन मंजूर करताना काही अटी घातल्या आहेत. यानुसार तिला कोठडीतच राहावे लागेल. यामुळे या प्रकरणी रान्याच्या आईने कर्नाटक उच्च न्यायालयात धाव घेतली असून, याबद्दलची सुनावणी येत्या ३ जून रोजी होणार आहे.

मनोरंजन क्षेत्रात काम करताना अनेक अभिनेत्रींना कास्टिंग काऊचचा अनुभव आला आहे. अभिनेत्री सैयामी खेरलाही असा अनुभव आला होता. तिने 'बॉलिवूड बबल'ला दिलेल्या मुलाखतीत सांगितले की, १९ वर्षांची असताना तिला एका तेलुगु चित्रपटासाठी महिलेने 'कॉम्प्रोमाईज' करण्यास सांगितले होते. यासाठी सैयामीने स्पष्टपणे नकार दिला होता. पण हे तिच्यासाठी धक्कादायक असल्याचे तिने सांगितलं. दरम्यान, सैयामीने 'माऊली', 'घूमर', 'शर्माजी की बेटी' आणि 'मिर्झ्या' यांसारख्या चित्रपटांमध्ये महत्त्वाच्या भूमिका साकारल्या आहेत.

वल्लरी विराज व राकेश बापट यांच्या प्रमुख भूमिका असलेली 'नवरी मिळे हिटलरला' ही मालिका खूप लोकप्रिय झाली. मात्र, या मालिकेतील फक्त या दोनच कलाकारांनी नाही, तर सर्वच कलाकारांनी प्रेक्षकांची मने जिंकली आहेत.

आता मालिकेत लक्ष्मी ही भूमिका साकारणार्‍या अभिनेत्री सानिका काशिकरने सोशल मीडियावर एक व्हिडीओ शेअर केला आहे. हा व्हिडीओ मालिकेच्या शूटिंगच्या शेवटच्या दिवसाचा असल्याचे पाहायला मिळत आहे. या व्हिडीओमध्ये वल्लरी विराज, भूमिजा पाटील, शर्मिला शिंदे, तसेच सेटवरील इतर कलाकार त्यामध्ये दिसत आहेत.

अमिताभ बच्चन यांनी त्यांच्या मुलगी श्वेता बच्चनला तिच्या वाढदिवसानिमित्त ५० कोटींचा प्रतीक्षा बंगला भेट दिला. हा बंगला अमिताभ व जया बच्चन यांनी एकत्र खरेदी केला होता आणि त्यांचे वडील हरिवंश राय बच्चन यांनी त्याला 'प्रतीक्षा' हे नाव दिलं होतं. या बंगल्यात अमिताभ यांच्या मुलांचा जन्म झाला आणि अभिषेक व ऐश्वर्याचं लग्नही इथेच झालं. २० वर्षं बंद असलेल्या या बंगल्यातील आठवणी अमिताभ यांनी जपून ठेवल्या आहेत.

ULLAS अंतर्गत संपूर्ण साक्षर राज्य: केरळला सर्वाधिक साक्षर राज्य मानलं जातं, पण संपूर्ण साक्षर राज्य कोणतं? हा प्रश्न आता मिटला आहे. भारताचं पहिलं पूर्ण साक्षर राज्य मिझोराम ठरलं आहे. शिक्षण मंत्रालयाने ही माहिती दिली असून, ULLAS - नव भारत साक्षरता कार्यक्रमांतर्गत मिझोरामला अधिकृतपणे पूर्ण साक्षर राज्य घोषित केलं जाणार आहे. ऐझॉल येथे होणाऱ्या कार्यक्रमात मान्यवर ही घोषणा करतील.

पहलगाम हल्ल्यानंतर भारतीय लष्कराने पाकव्याप्त काश्मीर आणि पाकिस्तानमध्ये एअर स्ट्राईक केले, ज्यामुळे दोन्ही देशांमधील तणाव वाढला. आर्मी एअर डिफेन्सचे महासंचालक सुमेर आयवन डिकून्हा यांनी पाकिस्तानला गर्भित इशारा दिला की, भारताकडे पाकिस्तानात कुठेही हल्ला करण्याची क्षमता आहे. सुवर्ण मंदिरावरील हल्ले भारतीय लष्कराने निष्प्रभ केले. राहुल गांधींच्या दाव्यावर डिकून्हा यांनी स्पष्ट केले की, अचानक केलेल्या हल्ल्यात १०० दहशतवादी मारले गेले.

ज्योती मल्होत्रा हेरगिरी प्रकरणामुळे माधुरी गुप्ता प्रकरणाची चर्चा पुन्हा सुरू झाली आहे. माधुरी गुप्ता, इस्लामाबादमधील भारतीय उच्चायुक्तालयात द्वितीय सचिव, हनीट्रॅपमध्ये अडकली होती. २०१० मध्ये तिला पाकिस्तानच्या आयएसआयला संवेदनशील माहिती पुरवल्याबद्दल अटक झाली. तिच्या चौकशीतून अनेक धक्कादायक खुलासे समोर आले. २०१८ मध्ये तिला दोषी ठरवण्यात आले आणि २०२१ मध्ये तिचं निधन झालं.