‘समीर वानखेडे आ जायेगा’ ही दहशत प्रत्येक ड्रग्स पेडलरच्या मनात आहे – फ्लेचर पटेल

राष्ट्रवादी काँग्रेसचे प्रवक्ते आणि राज्याचे अल्पसंख्यांक मंत्री नवाब मलिक यांनी पुन्हा एकदा एनसीबीवर निशाणा साधला आहे. फ्लेचर पटेल कोण आहेत? अशी विचारणा नवाब मलिक यांनी केली आहे. यासोबतच नवाब मलिक यांनी ट्वीटरला फ्लेचर पटेल यांचे एनसीबीचे क्षेत्रीय संचालक समीर वानखेडे यांच्यासोबतचे फोटो शेअर केले आहेत. फ्लेचर पटेल आणि समीर वानखेडे यांच्यात काय संबंध आहेत? अशी विचारणा नवाब मलिक यांनी केली आहे. याच फ्लेचर पटेल यांनी आता आपल्यावर झालेल्या आरोपांना प्रत्युत्तर दिलं आहे.