धकधक गर्लने घेतला करोना प्रतिबंधक लसीचा दुसरा डोस

माधुरी दिक्षीत यांनी आज करोना प्रतिबंधक लसीचा दुसरा डोस घेतला. त्यांनी याबद्दल आपल्या सोशल मीडिया अकाऊंटवरुन माहिती दिली आहे. आपल्या ट्विटमधून त्यांनी पात्र असलेल्या सर्वांना लस घेण्याचं आवाहनही केलं आहे.

माधुरीसोबतच अनेक बॉलिवूड कलाकारांनी लस घेतली. मलायका अरोरा, सैफ अली खान, सतिश शाह, अनिल कपूर यांचाही या यादीत समावेश आहे. देशात १ मेपासून १८ वर्षांवरील सर्वांना लस देण्यात येणार आहे.

सध्या देशात करोनाचा प्रादुर्भाव दिवसेंदिवस वाढत आहे. देशात आज सकाळी पूर्ण झालेल्या २४ तासात १ लाख ३० हजार ९०७ नव्या रुग्णांची भर पडली. त्यामुळे देशातल्या एकूण बाधितांची संख्या आता २८ लाख १३ हजार ६५८ वर पोहोचली आहे. तर देशात २ लाख १९ हजार २७२ रुग्ण बरे होऊन घरी परतले. आज सकाळपर्यंत देशभरात २,८१२ मृत्युंची नोंद झाली तर मृत्युदर १.१३ टक्क्यांवर पोहोचला आहे. आरोग्य आणि परिवार कल्याण मंत्रालयाने ही माहिती दिली आहे.