know about lawyer mukul rohatgi how much charge for aryan bail avb 95 | आर्यन खानला जामीन मिळवून देणारे वकील मुकुल रोहतगी एका सुनावणीसाठी किती घेतात फी?

अभिनेता शाहरुख खानचा मुलगा आर्यन याला क्रूझवरील पार्टीप्रकरणी उच्च न्यायालयाने गुरुवारी (२८ ऑक्टोबर) जामीन मंजूर केला. (आणखी वाचा : शाहरुखने दिलेले ४५०० रुपये आर्यन खानने जेलमध्ये कसे केले खर्च?)जवळपास २६ दिवसांनंतर आर्यन खानला जामीन मिळाला आहे.आर्यनसोबत मुनमुन धमेचा आणि अरबाज मर्चंट यांचा देखील जामीन मुंबई उच्च न्यायालयाने मंजूर केला.आर्यन खानची बाजू मांडण्यासाठी भारताचे माजी अॅटर्नी जनरल आणि ज्येष्ठ वकील मुकुल रोहतगी यांच्या लीगल टीमची नियुक्त करण्यात आली होती.आर्यनच्या जामीनाच्या प्रत्येक सुनावणीदरम्यान ही सर्व टीम न्यायालयात हजर होती.या टीमने एनसीबीने आर्यनच्या जामिनाला केलेला विरोध खोडून काढणारा युक्तिवाद केला. यात ज्येष्ठ विधिज्ञ मुकुल रोहतगी यांचा युक्तिवाद प्रचंड गाजला.दोन्ही बाजूंचे युक्तिवाद ऐकल्यानंतर न्यायमूर्ती नितीन सांब्रे यांनी आर्यन आणि अन्य दोन याचिकाकर्त्यांचा जामीन मंजूर केला.यानंतर मुकुल रोहतगी आणि त्यांच्या टीमचे सर्वत्र कौतुक केले जात आहे.पण दुसरीकडे मुकुल रोहतगी एका सुनावणीसाठी किती फी घेतात? असा प्रश्न अनेकांना पडला आहे.मीडिया रिपोर्ट्सनुसार, मुकुल रोहतगी एका सुनावणीसाठी जवळपास १० लाख रुपये फी घेत असल्याचे म्हटले जात आहे.एका RTI मध्ये देण्यात आलेल्या उत्तरात महाराष्ट्र सरकारने सांगितले होते की वरिष्ठ काउंसिल मुकुल रोहतगी यांना महाराष्ट्र सरकाने जज बीएच लोया केससाठी जवळपास १.२१ कोटी रुपये फी म्हणून दिली होती.मुकुल यांनी २००२ साली झालेल्या दंगलीप्रकरणी सर्वोच्च न्यायालयात गुजरात सरकारची बाजू मांडली होती.तसेच, बनावट चकमक प्रकरणातही त्यांनी गुजरात सरकारच्या बाजूने न्यायालयात युक्तिवाद केला होता.मुकुल यांचे वडील अवध बिहारी रोहतगी हे उच्च न्यायालयात न्यायाधीश होते.१८ जून २०१७ पर्यंत मुकुल रोहतगी हे देशाचे १४वे अॅटर्नी जनरल होते.