Photos: 'धाकड'च्या ट्रेलर लाँच सोहळ्यात कंगना रणौतचा बोल्ड अंदाज; फोटो व्हायरल

बॉलिवूडची 'क्वीन' अर्थात अभिनेत्री कंगना रणौत सध्या सोशल सोशल मीडियावर चर्चेत आहे. कंगना रणौतचा आणखी एक चित्रपट प्रेक्षकांच्या भेटीला येत आहे. नेहमीच चौकटीबाहेरच्या भूमिका साकारण्यास प्राधान्य देणारी कंगना आगामी 'धाकड' या चित्रपटात जबरदस्त अॅक्शन करताना दिसणार आहे. नुकताच या चित्रपटाचा ट्रेलर प्रदर्शित झाला आहे. 'धाकड'च्या ट्रेलर लाँच सोहळ्याला कंगनाने उपस्थिती लावली होती. या ट्रेलर लाँच सोहळ्याचे काही फोटो कंगनाने सोशल मीडियावर शेअर केले आहेत. या फोटोंमध्ये कंगना बोल्ड अंदाजात दिसत आहे. कंगनाच्या या मोहक अदांवर चाहते घायाळ झाले आहेत. या चित्रपटात कंगना गुप्तहेराची भूमिका साकारणार असून 'एजंट अग्नी' असं तिचं नाव असणार आहे. 'धाकड' चित्रपटात भरपूर अॅक्शन सीन पाहायला मिळणार आहेत याची प्रचिती ट्रेलर पाहूनच येते. कंगना रणौतचा हा चित्रपट येत्या २० मे ला चित्रपटगृहात प्रदर्शित होणार आहे. (सर्व फोटो सौजन्य : कंगना रणौत / इन्स्टाग्राम)