Photos: 'तुझ्यात जीव रंगला'; हार्दिक-अक्षयाचा रोमँटिक अंदाज

झी मराठी वाहिनीवरील 'तुझ्यात जीव रंगला' ही मालिका विशेष गाजलेली होती. अतिशय लाघवी आणि सोज्वळ स्वभावाच्या पाठक बाई आणि तितकाच रांगडा असलेला राणादा यांनी प्रेक्षकांना अक्षरश: वेड लावले होते. नुकताच 'राणा दा' अर्थात अभिनेता हार्दिक जोशी आणि 'पाठक बाई' अर्थात अभिनेत्री अक्षया देवधर यांचा साखरपुडा पार पडला. अक्षय्य तृतीयाच्या मुहूर्तावर ३ मे रोजी हार्दिक-अक्षयाचा साखरपुडा पार पडला आहे. अक्षया आणि हार्दिक यांच्या साखरपुड्याचे फोटो आणि व्हिडीओ सोशल मीडियावर प्रचंड व्हायरल झाले होते. हार्दिक आणि अक्षया यांच्या साखरपुडा केल्याच्या बातमीने चाहत्यांनाही सुखद धक्का बसला आहे. अक्षया-हार्दिकचा रोमँटिक अंदाज... हार्दिक-अक्षयाच्या या पोस्टवर कलाकारांपासून ते चाहत्यांपर्यंत सर्वांनीच शुभेच्छांचा वर्षाव केला आहे. या सुंदर फोटोंची सध्या सोशल मीडियावर चर्चा आहे. अभिनेता हार्दिक जोशी सध्या 'तुझ्या माझ्या संसाराला आणि काय हवं' या मालिकेत काम करत आहे. अभिनेत्री अक्षया देवधरने 'हे तर काहीच नाय!' या कार्यक्रमाचे प्रथमच सूत्रसंचालन केले. (सर्व फोटो सौजन्य - अक्षया देवधर/ हार्दिक जोशी इन्स्टाग्राम)