"आत्तूच्या शहरी...", प्राजक्ता माळीची भाची करते जिवाची मुंबई; फोटो व्हायरल

मराठमोळी अभिनेत्री प्राजक्ता माळी ही लोकप्रिय अभिनेत्रींपैकी एक आहे. प्राजक्ताने आतापर्यंत अनेक मालिकांमध्ये काम केले आहे. सध्या प्राजक्ता ही 'महाराष्ट्राची हास्यजत्रा' या कार्यक्रमाचं सूत्रसंचालन करताना दिसते. गेल्या काही दिवसांपासून प्राजक्ता ही 'रानबाजार' या बोल्ड वेबसीरिजमुळे चर्चेत आहे. प्राजक्ता ही नेहमी तिच्या कुटुंबासोबत वेळ घालवताना दिसते. नुकतंच प्राजक्ताने तिच्या भाचीसोबतचे काही फोटो शेअर केले आहेत. याला तिने फार हटके कॅप्शन दिले आहे. "उन्हाळ्याच्या सुट्टीत पोरं “मामाच्या गावाला” जातात; ही “आत्तूच्या शहरी” आलीए"., असे तिने कॅप्शन देताना म्हटले आहे. "आजी आत्तूबरोबर एकटी दुबईला गेली होती म्हणून आजीला टूक टूक माकड करून ती आत्तूबरोबर एकटी मुंबईला आलीए. घ्या…", असेही प्राजक्ता माळी म्हणाली. "शूटींग, इव्हेंट, योगा क्लास सगळीकडे शेपूट बरोबर आहे…", असेही तिने म्हटले. आत्तूभाची #याज्ञसेनी #सूट्टी #जीवाचीमुंबई, असे हॅशटॅग तिने ही पोस्ट शेअर करताना दिले आहे. प्राजक्ताने काही दिवसांपूर्वी तिच्या भाच्यांसोबत आंबे खातानाचा व्हिडीओ शेअर केला होता. प्राजक्ताची ही पोस्ट सध्या चांगलीच व्हायरल होत आहे. या फोटोंवर अनेकांच्या लाइक्स आणि कमेंट्स पाहायला मिळत आहे.