'पठाण' अन् 'जवान'च्या यशानंतर शाहरुख खान 'या' सहा चित्रपटांमध्ये दिसणार, बायोपिकचाही समावेश | sharukh khan 6 upcoming movies after jawan and pathaan success

शाहरुख खानने त्याला बॉलिवूडचा बादशाह का म्हटले जाते हे पुन्हा एकदा सिद्ध केले आहे. शाहरुखच्या नुकत्याच आलेल्या जवान या चित्रपटाने जगभरात सुमारे ६०० कोटींहून अधिक कमाई केली आहे. या वर्षाच्या सुरुवातीला शाहरुखच्या पठाणने १००० कोटींहून अधिक कमाई केली होती. एकाच वर्षात बॉक्स ऑफिसवर एवढी कमाई करणारा शाहरुख खान पहिला अभिनेता ठरला आहे. मात्र, या वर्षी त्याचा आणखी एक चित्रपट येणार आहे. शाहरुखच्या आगामी सहा चित्रपटांवर एक नजर टाकूया: डंकी : या वर्षी डिसेंबर महिन्यात शाहरुख खान राजकुमार हिरानीच्या डंकी या चित्रपटात दिसणार आहे. चित्रपटाचे शूटिंग जवळपास पूर्ण झाले आहे. टायगर 3: डंकीनंतर शाहरुख २०२४ मध्ये ईदच्या मुहूर्तावर सलमान खानसोबत टायगर ३ मध्ये दिसणार आहे. मात्र, शाहरुख या चित्रपटात छोट्या भूमिकेत दिसणार आहे. हे राम: शाहरुख खानबद्दल काही मीडिया रिपोर्ट्समध्ये म्हटलं आहे की तो त्याच्याच चित्रपट हे रामच्या रिमेकमध्ये दिसणार आहे. टायगर Vs पठाण: टायगर विरुद्ध पठाणवरही काम सुरू आहे. या चित्रपटात शाहरुख आणि सलमान एकत्र दिसणार असल्याचे बोलले जात आहे. सॅल्यूट: भारतीय अंतराळवीर राकेश शर्मा यांच्या बायोपिक सॅल्यूटमध्ये शाहरुख खान देखील असल्याचे म्हटले जाते. तो राकेश शर्माची भूमिका साकारणार असल्याचे सांगण्यात येत आहे. Izhaar: संजय लीला भन्साळी Izhaar नावाचा चित्रपट बनवत आहेत. या चित्रपटात शाहरुख खान दिसणार असल्याचे बोलले जात आहे. (फोटो: सोशल मीडिया)