-
‘माझी तुझी रेशीमगाठ’ ही मालिका चांगलीच गाजली होती. अभिनेता श्रेयस तळपदे व अभिनेत्री प्रार्थना बेहेरे यांची प्रमुख भूमिका असलेल्या या मालिकेला प्रेक्षकांचा उदंड प्रतिसाद मिळाला होता.
-
‘माझी तुझी रेशीमगाठ’ मालिकेतील प्रत्येक पात्र हीट झाली. मग तो समीर असो, सीमा असो, शेफाली असो किंवा विश्वजीत प्रत्येक पात्रावर प्रेक्षकांनी भरभरून प्रेम केलं. त्यापैकी एक म्हणजे मीनाक्षी वहिनी.
-
याच मीनाक्षी वहिनीने म्हणजे अभिनेत्री स्वाती देवलने पती तुषार देवलसह व्यवसाय क्षेत्रात पुढचं पाऊल टाकलं आहे.
-
तुषार व स्वातीच्या ‘देवल मिसळ’च्या स्टॉलचं रुपांतर आता हॉटेलमध्ये झालं आहे.
-
केंद्रीय मंत्री पियूष गोयल यांच्या हस्ते स्वाती व तुषारच्या या नव्या हॉटेलचं उद्घाटन पार पडलं.
-
स्वाती व तुषारच्या हॉटेलच्या उद्घाटनासाठी पियूष गोयल यांच्यासह, गोपाळ शेट्टी, प्रवीण दरेकर, प्रकाश दरेकर, प्रकाश सुर्वे या भाजपाच्या मंडळींनी खास उपस्थिती लावली होती.
-
दरम्यान, स्वातीच्या आगामी कामाबद्दल बोलायचं झालं तर, लवकरच ती मुलगा स्वराध्य देवलसह झळकणार आहे.
-
‘कलर्स मराठी’ वाहिनीवरील ‘सुख कळले’ या नव्या मालिकेत स्वाती व स्वराध्य एकत्र पाहायला मिळणार आहेत. (सर्व फोटो सौजन्य – स्वाती देवल इन्स्टाग्राम)
