उर्मिला कोठारे कार अपघाताचे फोटो : marathi actress Urmila Kothare car Accident Photos viral on social media : Urmila Kothare injured in car accident

Urmila Kothare Car Accident photos : अभिनेत्री उर्मिला कोठारेच्या कारचा अपघात झाला आहे. (फोटो - इन्स्टाग्राम) मुंबईतील कांदिवली परिसरातील पोईसर मेट्रो स्टेशनजवळ उर्मिलाच्या कारचा अपघात झाला. काल शुक्रवारी (२७ डिसेंबरला) घडलेल्या या घटनेत एका व्यक्तीचा मृत्यू झाला आहे. उर्मिला कोठारे शूटिंग संपवून घरी परतत होती, त्यावेळी तिच्या कारचा अपघात झाला. चालकाचं कारवरील नियंत्रण सुटल्याने हा अपघात झाला. भरधाव कारने दोन मजुरांना उडवलं, त्यापैकी एकाचा मृत्यू झाला. एक मजूर गंभीर जखमी आहे. या अपघातात उर्मिला आणि तिचा ड्रायव्हरही जखमी झाले आहेत. (फोटो - इन्स्टाग्राम) पोलिसांनी दिलेल्या माहितीनुसार, अपघात झाल्यावर गाडीतील एअर बॅग्ज वेळीच उघडल्याने उर्मिलाचा जीव वाचला. उर्मिला शूटिंग संपवून घरी परतत असताना झालेल्या अपघातात तिची कारचा पुढचा भाग चेंदामेंदा झाला आहे. याप्रकरणी समता नगर पोलीस ठाण्यात चालकाविरुद्ध गुन्हा दाखल करण्यात आला असून पोलिसांनी तपास सुरू केला आहे. (अपघाताचे सर्व फोटो - IANS Hindi च्या व्हिडीओतून स्क्रीनशॉट)